قازاقستاندىقتار بالىق پەن تەڭىز ونىمدەرىن از تۇتىنا باستادى.
بىلتىر 2022 جىلمەن سالىستىرعاندا نان مەن جارما، بالىق پەن تەڭىز جانە ماي مەن توڭمايدان باسقا ازىق-تۇلىك ونىمدەرىنىڭ نەگىزگى توپتارى بويىنشا تۇتىنۋ كورسەتكىشىنىڭ وسكەنى بايقالدى، دەپ حابارلايدى Almaty-akshamy.kz
ازىق-تۇلىك ساتىپ الۋعا جۇمسالاتىن شىعىنداردىڭ ەڭ كوپ ۇلەسى ەت جانە ەت ونىمدەرىنە (17%)، نان مەن جارما ونىمدەرىنە (7،9%) تيەسىلى.
ەت پەن ەت ونىمدەرىن تۇتىنۋدىڭ ەڭ جوعارى دەڭگەيى اتىراۋ، اقمولا، جەتىسۋ وبلىستارىندا، ال ەڭ تومەنى شىمكەنت قالاسىندا بايقالدى.
2023 جىلى حالىقتىڭ جان باسىنا شاققانداعى ازىق-تۇلىك ونىمدەرىنىڭ جەكەلەگەن تۇرلەرى بويىنشا ايىنا ورتاشا العاندا تۇتىنۋى:
كارتوپ – 3،7 كگ
نان، ءى سۇرىپ – 2،4 كگ
سيىر ەتى – 2،1 كگ
الما – 1،6 كگ
قۇمشەكەر – 1،5 كگ
كۇرىش – 1،3 كگ
ءسۇت – 1،1 ل
ايران – 1 ل
جۇمىرتقا – 16،8 دانا
ماكارون – 0،9 كگ
جاڭا اۋلانعان نەمەسە سالقىنداتىلعان بالىق – 0،8 كگ
قارا شاي – 0،1 كگ.