اتىراۋ، اقتوبە، باتىس قازاقستان جانە سولتۇستىك قازاقستان وبلىستارىندا سۋ تاسقىنىنا قارسى ءىس-شارالار، سۋ تاسقىنى سالدارىن جويۋ جانە حالىققا كومەك كورسەتۋ بويىنشا جۇمىستار جالعاسۋدا.
باتىس قازاقستان وبلىسىنىڭ اقجايىق، بايتەرەك، ءبورلى، تەرەكتى اۋداندارىندا جايىق وزەنىنىڭ سۋ دەڭگەيىنە مونيتورينگ جالعاسۋدا، سۋ دەڭگەيى بىرتىندەپ تومەندەپ جاتقانى بايقالادى. قازىرگى ۋاقىتتا ۇيلەردى سۋ باسۋ وقيعاسى تىركەلگەن جوق. ساياجايدا قالىپ قويعان تۇرعىنداردىڭ بار-جوعىن تەكسەرۋ ءۇشىن ارالاۋ جۇمىسى جالعاسۋدا، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.
اتىراۋ قالاسىندا جايىق وزەنى بويىنداعى ىقشام اۋدانداردا جانە ەركىنقالا، المالى، اتىراۋ، دامبى، قايىرشاقتى اۋىلدىق وكرۋگتەرىندە جانە بەرەكە اۋىلىندا بوگەتتەردى نىعايتۋ جۇمىستارى ۇزدىكسىز جۇرگىزىلىپ جاتىر. ۇزىندىعى 229،6 كم قورعانىس بوگەتتەرىن نىعايتۋ جۇرگىزىلدى.
قىزىلوردا، ماڭعىستاۋ وبلىستارىنىڭ توتەنشە جاعدايلار دەپارتامەنتتەرىنىڭ جەكە قۇرامى جانە تجم قاراعاندى قالاسى
52859 اسكەري بولىمىنەن قۇرىلعان جيىنتىق توپتاردىڭ كومەككە كەلگەن كۇشتەرى مەن قۇرالدارى سۋ تاسقىنىنا قارسى ءىس-شارالار جۇرگىزۋ ءۇشىن باتىس قازاقستان وبلىسىنان اتىراۋ وبلىسىنا جىبەرىلدى.
سولتۇستىك قازاقستان، اتىراۋ جانە اقتوبە وبلىستارىندا 5 987 تۇرعىن ءۇي مەن 2 584 اۋلا اۋماعىنان سۋدىڭ باعىتى بۇرىلىپ، سۋ سورىلدى. رەسپۋبليكا بويىنشا 31 416 ادام ءوز ۇيلەرىنە ورالدى.
8 560 ادام، ونىڭ ىشىندە 3 717 بالا ەۆاكۋاسيالاۋ پۋنكتتەرىندە.
11،9 ملن استام تەكشە مەتر ەرىگەن قار سۋى سورىپ شىعارىلدى، 5،6 ملن قاپشىق جانە 1،5 ملن استام توننا ينەرتتى ماتەريال توسەلدى.
جەدەل جەلى تەلەفونىنا 2 216 قوڭىراۋ ءتۇستى.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 31 مىڭنان استام ادام، 4 مىڭ تەحنيكا، 763 سۋ سورۋ قۇرالى، 298 ءجۇزۋ قۇرالى، 14 اۋە كەمەسى جۇمىلدىرىلدى.