بالقاش كولىنە مەملەكەتتىك مونيتورينگ جۇرگىزۋ ماسەلەلەرى تالقىلاندى.
قازاقستاندىق عالىمدار مەن ەكولوگتار بالقاشتىڭ ارال تەڭىزىنىڭ تاعدىرىن قايتالاۋ ءقاۋپى جوق دەپ ايتۋعا بولادى دەگەندى ايتىپ وتىر، دەپ حابارلايدى Almaty-akshamy.kz.
بالقاش كولىنىڭ قازىرگى جاعدايى مەن بولاشاعىن ماماندار مەن ساراپشىلار تامىزدىڭ 6 كۇنى وتكەن كونفەرەنسيا بارىسىندا تالقىلادى.
ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنىڭ حابارلاۋىنشا، اتالمىش شاراعا عىلىمي قوعامداستىق وكىلدەرى، الماتى، قاراعاندى جانە جامبىل وبلىستارى اكىمدىكتەرى، قوعامدىق ۇيىمداردىڭ مۇشەلەرى قاتىستى.
دوڭگەلەك ۇستەل بارىسىندا گەوگرافيا جانە سۋ قاۋىپسىزدىگى ينستيتۋتىنىڭ، سونداي-اق قازاق سۋ شارۋاشىلىعى عىلىمي-زەرتتەۋ ينستيتۋتىنىڭ، «استانا» حالىقارالىق عىلىمي كەشەنىنىڭ عالىمدارى كليماتتىڭ وزگەرۋى مەن شارۋاشىلىق قىزمەتتىڭ بالقاش كولىنە اسەرى تۋرالى عىلىمي زەرتتەۋلەردىڭ ناتيجەلەرى جانە ىقتيمال سەنارييلەرى بار ەكونوميكالىق ارەكەتتەر تۋرالى بايانداما جاسادى.
سونداي-اق، دوڭگەلەك ۇستەلگە قاتىسۋشىلار ىلە-بالقاش وڭىرىندە سۋارۋدىڭ رەسۋرس ۇنەمدەيتىن تەحنولوگيالارىن ەنگىزۋ جانە بالقاش كولىنە مەملەكەتتىك مونيتورينگ جۇرگىزۋ ماسەلەلەرىن تالقىلادى.
مامانداردىڭ ايتۋىنشا، بالقاش اتىراۋى مەن كولدىڭ ءوزىن زەرتتەۋ ناتيجەلەرى ىلە-بالقاش ءوڭىرىنىڭ دامۋى 3 كەزەڭگە بولىنەتىنىن كورسەتەدى:
- 1970 جىلعا دەيىن شارتتى تۇردە تابيعي؛
- 1971 جىلدان 1990 جىلعا دەيىن تۇراقسىزدىق؛
- 1991 جىلدان 2019 جىلعا دەيىن سالىستىرمالى تۇردە تۇراقتى.
«وسىلايشا، قازىرگى ۋاقىتتا ىلە-بالقاش وڭىرىندە سالىستىرمالى تۇردە تۇراقتى كەزەڭ ءوتىپ جاتىر. وسىعان وراي بالقاشتىڭ ارال تەڭىزىنىڭ تاعدىرىن قايتالاۋ ءقاۋپى جوق دەپ ايتۋعا بولادى»،– دەلىنگەن حابارلامادا.
سونىمەن قاتار، دوڭگەلەك ۇستەلگە قاتىسۋشىلار بالقاش كولىنىڭ ەكوجۇيەسىنە كەرى اسەرىن تيگىزبەي، ىلە-بالقاش وڭىرىندەگى حالىق پەن ايماقتىڭ ەكونوميكاسىن تۇراقتى تۇردە سۋمەن قامتاماسىز ەتۋ ءۇشىن شارالار قابىلداۋ قاجەتتىلىگىن اتاپ ءوتتى.
ول ءۇشىن عالىمدار مىنا تاقىرىپتار بويىنشا قوسىمشا عىلىمي زەرتتەۋلەر جۇرگىزۋدى ۇسىندى:
- بالقاش كولىنىڭ وڭتايلى دەڭگەيىن نەگىزدەۋ؛
- بالقاش كولىندەگى سۋ مەن تۇز الماسۋ پروسەستەرىن باسقارۋ نەگىزدەرى؛
- بالقاش كولىنىڭ ترانسشەكارالىق باسسەينىندەگى ىنتىماقتاستىقتىڭ ادىستەمەلىك نەگىزدەرى.
دوڭگەلەك ۇستەل سوڭىندا قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ۆيسە-مينيسترى سەرىك قوجانيازوۆ دوڭگەلەك ۇستەل قورىتىندىسى بويىنشا ازىرلەنگەن ۇسىنىستار بالقاش-الاكول باسسەينىنىڭ پروبلەمالىق ماسەلەلەرىن شەشۋ ءۇشىن قولدانىلاتىنىن اتاپ ءوتتى.
