جەتىسۋ وڭىرىندە ءبىر مىڭعا جۋىق جاس جۇمىسپەن قامتىلدى

وبلىستا ستۋدەنتتىك قۇرىلىس وتريادتارىنىڭ جۇمىسى قايتا جانداندى.  

الماتى وبلىسىنداعى «جاسىل ەل» جاستار ەڭبەك جاساقتارى 944 جاستى جۇمىسپەن قامتىدى، دەپ حابارلايدى Almaty-akshamy.kz. 

«وبلىستىق جاستار ساياساتى ماسەلەلەرى جونىندەگى باسقارمانىڭ مالىمەتىنە قاراعاندا، «جاسىل ەل» قۇرامىندا جوو-نىڭ 217 ستۋدەنتى، كاسىپتىك تەحنيكالىق ءبىلىم بەرۋ ورتالىقتارىنىڭ 304 ستۋدەنتى، 245 مەكتەپ وقۋشىسى، 178 جۇمىسسىز جاس بار. 2021 جىلى شتاب جۇمىسىنا بيۋدجەتتەن 151،6 ملن تەڭگەگە جۋىق قارجى بولىنگەن»،– دەلىنگەن الماتى وبلىسى اكىمىنىڭ باسپا ءسوز قىزمەتىنىڭ حابارلاماسىندا.

رەسمي مالىمەت بويىنشا، وتكەن ءبىر اي ىشىندە وبلىس بويىنشا جاستار «جاسىل ب ا ق – تازا قالا»، «تازا وزەن – تازا جاعالاۋ»، «جايقالسىن جاس تەرەك»، «ەكودەسانت» اكسيالارىن وتكىزىپ، ەكولوگيالىق تازارتۋ شارالارىن اتقارسا، «ارمىسىڭ، ارداگەر»، «ۇلكەنگە قۇرمەت – كىشىگە مىندەت» اتتى قامقورلىق اكسيالارى كەزىندە قارتتارعا جادەم كورسەتكەن.  

جالپى، شىلدە ايىندا جاستاردىڭ قاتىسۋىمەن وبلىس بويىنشا 156 كم ارىق تازارتىلىپ، 301 گا جەردىڭ ءشوبى شابىلعان، 176 گا جەر قوقىستان تازارتىلعان.  سونىمەن بىرگە ستۋدەنتتىك قۇرىلىس جاساقتارىنىڭ قىزمەتى قايتا جاندانا باستاعان.

بۇگىنگى كۇنى وبلىس كولەمىندەگى قۇرىلىس جۇمىستارىندا وسىنداي وتريادتار قۇرامىندا 211 جاس جۇمىس ىستەپ ءجۇر.