قۇتقارۋشىلارعا بالىقشىلار حابارلاسىپ، كومەك سۇراعان
بالقاشتا بالىق اۋلاپ ءجۇرىپ، كولدىڭ ورتاسىندا قالىپ قويعان بالىقشىلار قۇتقارىلدى، دەپ حابارلايدى Almaty-akshamy.kz.
12 جەلتوقسانعا قاراعان ءتۇنى بالقاش كولىندە ءتورت بالىقشى قۇتقارىلدى.
قۇتقارۋشىلارعا بالىقشىلار حابارلاسىپ، كومەك سۇراعان. ەر ادامدار جاعالاۋعا ءوز كۇشىمەن جەتە المايتىنىن ايتتى، ويتكەنى جۇقا مۇز بەن شۇڭقىرلار جانە جارىقتار كەدەرگى بولعان.
بالىقشىلار وزدەرىنىڭ شامامەن قاي تۇستا ەكەنىن حابارلادى.
قۇتقارۋ وپەراسياسىن جۇرگىزۋ ءۇشىن قاراعاندى وبلىسى تج دەپارتامەنتىنىڭ قۇتقارۋشىلارى وقيعا ورنىنا شىقتى، سونداي-اق «قازاقمىس كورپوراسياسى»ج ش س ءجۇزۋ قۇرالى تارتىلدى.
بالىقشىلارمەن تەلەفون بايلانىسى ۇزدىكسىز جۇرگىزىلىپ تۇردى.
تاڭەرتەڭ بالىقشىلار جاعادان شامامەن 25 كم قاشىقتىقتان تابىلدى. ەر ادامدار جاعاعا جەتكىزىلىپ، تۋىستارىنا تابىستالدى. مەديسينالىق كومەكتى قاجەت ەتپەدى.
قۇتقارۋشىلار مۇزعا شىعۋ كەزىندە قاۋىپسىزدىك شارالارىن ساقتاۋ قاجەتتىگىن ەسكەرتەدى.
«تاۋلىكتىڭ قاراڭعى ۋاقىتىندا مۇزعا شىقپاڭىز. اۋا رايىنىڭ ءجيى وزگەرۋىنە بايلانىستى وبلىستىڭ سۋ ايدىندارىندا مۇز بىردە قالىڭ، بىردە جۇقا. وزەندەر مەن كولدەردە مۇز ەرىپ جاتىر. مۇز تەز اعاتىن، سۋ باساتىن جانە اعىن سۋ جۇرەتىن جەرلەردە، سونداي-اق سۋ وسىمدىكتەرى وسەتىن اۋدانداردا، اعاشتار مەن قامىستىڭ جانىندا بەرىك بولمايدى. توتەنشە جاعداي ءقاۋپى تونگەن نەمەسە تۋىنداعان كەزدە 112 نەمەسە 433636، 433737 تەلەفوندارىنا قوڭىراۋ شالىڭىزدار»،- دەپ ەسكەرتەدى قۇتقارۋشىلار.