«ۆەچەرنيي الماتى» گازەتى ءوزىنىڭ 85-جىلدىعى مەن ق ر تاۋەلسىزدىگىنىڭ مەرەيتويىن وسىلاي اتاپ ءوتتى
الماتىدا «موست» بيليارد كلۋبىندا بۇقارالىق اقپارات قۇرالدارى قىزمەتكەرلەرى اراسىندا «ۆەچەرنيي الماتى – 85» اتاۋىمەن تۋرنير ءوتتى، دەپ حابارلايدى Almaty-akshamy.kz.
دودانى ۆەچەرنيي الماتى جانە Almaty aqshamy باسىلىمدارىن شىعارۋشى «Alatau Aqparat» مەدياحولدينگى ۇيىمداستىردى. باس دەمەۋشى – قازاقستان رەسپۋبليكاسى قۇرىلىس سالالارىنىڭ وداعى. بسف باس تورەشىسى، حالىقارالىق دارەجەدەگى تورەشى رومان بۋزۋرحودجايەۆ باستاعان قازاقستان رەسپۋبليكاسى بيليارد سپورتى فەدەراسياسىنىڭ تورەشىلەر القاسى دوداعا تورەلىك جاسادى. «ۆەچەرنيي الماتى» باسىلىمى العاش رەت 1936 جىلدىڭ 23 ساۋىرىندە جارىق كورگەن. بۇگىندە ونىڭ تيراجى 36 مىڭ دانانى قۇرايدى.
تۋرنير بارىسىندا بەلگىلى بولعانداي، «ۆەچەرنيي الماتى» گازەتىندە قارىمدى قالامگەرلەر عانا ەمەس، بيليارد وينىنىڭ شەبەرلەرى دە قىزمەت ەتەدى ەكەن.
جارىسقا ءتۇرلى تەلەارنالاردان، مەرزىمدى باسىلىمدار مەن اقپارات اگەنتتىكتەرىنەن 32 وكىل قاتىستى. بارلىق قالام يەلەرى مەن تاسپاگەرلەر بۇل كۇنى ميكروفون، ديكتوفون جانە كومپيۋتەردى بيليارد تاستاياعىنا الماستىردى.
بۇل جارىس بىرنەشە تۋردان تۇردى جانە سوڭىنا دەيىن كىمنىڭ جەڭىمپاز بولاتىنىن اجىراتۋ وڭاي بولمادى. قاتىسۋشىلاردىڭ سپورتقا دەگەن قۇلشىنىسى فينال اياقتالعانشا باسەڭدەمەدى.
«كارانتيندە ەكى جىل وتىرعاننان كەيىنگى بۇل ءبىرىنشى ءوتىپ وتىرعان جارىس. سوندىقتان قيىن بولدى. ادامدار بىر-بىرىمەن كەزدەسىپ، شۇيىركەلەسۋدى ساعىنىپ قالدى دەپ ويلايمىن. قالىپتى ومىرگە ورالىپ، تاۋەلسىزدىكتىڭ 30 جىلدىعى مەن جاڭا جىلدى جاقسىلاپ قارسى الۋ ءۇشىن بارلىعىمىزعا ۆاكسينا الىپ، ساۋ جۇرگەنىمىز دۇرىس»، -دەدى «ۆەچەرنيي الماتى» گازەتى باس رەداكتورىنىڭ ورىنباسارى ميحايل بۋرەنكوۆ.
«حابار» اگەنتتىگىنىڭ تەلەوپەراتورى كەنجە امرايەۆ مۇنداي تۋرنيرلەرگە ۇنەمى قاتىسىپ جۇرەدى. ونىڭ ويىنشا، بيلياردتا ماتەماتيكالىق ناقتىلىق پەن جەڭىسكە دەگەن قۇلشىنىس كەرەك، ونسىز كاسىبي دە، اۋەسقوي ويىنشى دا جەڭىسكە جەتە المايدى.
«ەل تاۋەلسىزدىگىنىڭ 30 جىلدىعى قارساڭىندا قالامىزدىڭ ءىرى باسىلىمىنىڭ 85 جىلدىعىن اتاپ ءوتىپ وتىرمىز. بۇل ەرەكشە جاعداي. ءبىزدى كاسىبي ماماندىعىمىز قۇرىلىس سالاسىنان بولەك، سپورت تا بىرىكتىرەدى»،– دەپ اتادى، قازاقستان قۇرىلىس سالالارىنىڭ وداعى باسقارماسىنىڭ ءتوراعاسى، قالالىق ءماسليحات دەپۋتاتى، «نۇر وتان» پارتياسى فراكسياسىنىڭ مۇشەسى ەرالى ساۋرانبايەۆ.
تارتىستى دودادا ەۋرازيا ءبىرىنشى تەلەارناسىنىڭ شەف-رەداكتورى
مەيمەش ۋمبەتالي تۋرنير جەڭىمپازى اتاندى.
ەكىنشى ورىندى Alatay Aqparat مەدياحولدينگى باس ديرەكتورىنىڭ ورىنباسارى نۇرجان شىنتايەۆ يەلەندى.
ءۇشىنشى ورىن «الماتى» تەلەارناسىنىڭ وپەراتورى مۇراتبەك الماسحانعا بۇيىردى.
ۆەچەرنيي الماتى جانە Almaty aqshamy گازەتتەرىنىڭ اتىنان ىنتالاندىرۋ سىيلىقتارىمەن «ۆرەميا» كۇندەلىكتى گازەتىنىڭ رەداكتورى فەليكس عابيتوۆ جانە «الماتى» تەلەارناسى كونتەنت ءوندىرىسى دەپارتامەنتىنىڭ ديرەكتورى المات ءابدىرامان ماراپاتتالدى.
«ۆەچەرنيي الماتى» گازەتىنىڭ «جەڭىسكە دەگەن جىگەرى ءۇشىن» ىنتالاندىرۋ سىيلىعىن «قازاقستان» تەلەارناسىنىڭ الماتىداعى فيليالى ديرەكتورىنىڭ ورىنباسارى رۋسلان قوسانوۆ يەلەندى.
سونىمەن قاتار باس دەمەۋشى - قازاقستان قۇرىلىس سالالارىنىڭ وداعى باسقارماسىنىڭ جانە قولداۋ تانىتقان ق ر بسف جانە «موست» بيليارد كلۋبىنىڭ ارنايى سىيلىقتارىن «جاس قازاق» گازەتىنىڭ ءتىلشىسى ەرعالي باقاش، «ماتريسا.kz» پورتالىنىڭ رەداكتورى سەرىك مامبەتوۆ جانە «كاراۆان» گازەتىنىڭ مەنەدجەرى رۋسلان رازياموۆ يەلەندى.
مەدياحولدينگتىڭ كوممەرسيالىق ديرەكتورى قۋانىش ديۋسكالييەۆ دودانىڭ باس دەمەۋشىسى - قازاقستان قۇرىلىس سالالارىنىڭ وداعى باسقارماسىنا جانە قولداۋ تانىتقان ق ر بسف مەن «موست» بيليارد كلۋبىنا العىس حات پەن ەستەلىك سىيلىقتار تابىس ەتتى. ءتۋرنيردىڭ بارلىق قاتىسۋشىلارى شارا ۇيىمداستىرۋشىلارى تاراپىنان «ۆەچەرنيي الماتى» گازەتىنىڭ كادەسىيلارىن يەلەندى.