ينستاگرام پاراقشاسىندا بەينەۇندەۋ جولدادى
ءۇش كۇننەن بەرى سۋسىز وتىرعان بالقاش جۇرتىنان قالا اكىمى كەشىرىم سۇرادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قايرات قامزين اپاتتى جويۋعا ۋادە بەرىپ، تۇرعىنداردى سابىر ساقتاۋعا شاقىردى. قالاعا تىرشىلىك ءنارى بىرتىندەپ بەرىلىپ جاتقانىن مالىمدەپ، ينستاگرام پاراقشاسىندا بەينەۇندەۋ جولدادى.
«قازىرگى تاڭدا سول ارنايى 5 تەحنيكا جۇمىس ىستەپ جاتىر. ونىڭ ىشىندە – 1 ەكسكاۆاتور، كران، كولىك، سۋ سوراتىن ەكى سورعىش. تەحنيكالىق جاعدايعا بايلانىستى جوندەۋ جۇمىستارى جالعاسۋدا، جوسپار بويىنشا بۇگىن بىتىرسەك، كۆارتالىشىلىك جەلىلەردى تولتىرامىز»، – دەدى بالقاش قالاسىنىڭ اكىمى قايرات حامزين.
ەستەرىڭىزگە سالا كەتەيىك، 4 ساۋىردە بالقاش قالاسىندا باس سورعى ستانساسىنىڭ اۋماعىندا ماگيسترالدىق قۇبىر جارىلىپ، تۇرعىندار سۋسىز قالعان ەدى.