رەسپۋبليكانىڭ باسىم بولىگىندە اۋا رايىنا بايلانىستى ەسكەرتۋ جاسالدى
"قازگيدرومەت" رمك سينوپتيكتەرى ەرتەڭ، 7 ساۋىردە، قولايسىز اۋا رايىنا بايلانىستى داۋىلدى ەسكەرتۋ جاسادى، دەپ حابارلايدى Almaty-akshamy.kz.
اقتوبە وبلىسىنىڭ سولتۇستىگىندە، شىعىسىندا سولتۇستىك-شىعىستان جەل سوعادى، ەكپىنى 15-20 م/س كۇتىلەدى.
قىزىلوردا وبلىسىنىڭ ورتالىعىندا، شىعىسىندا تۇندە جانە تاڭەرتەڭ نايزاعاي كۇتىلەدى.
الماتى وبلىسىنىڭ وڭتۇستىگىندە، تاۋلى اۋداندارىندا كەي ۋاقىتتا قاتتى جاڭبىر كۇتىلەدى. كۇندىز وبلىستىڭ وڭتۇستىگىندە، باتىسىندا نايزاعاي. وڭتۇستىك-باتىستان سوعاتىن جەل سولتۇستىك-باتىسقا اۋىسادى، تاڭەرتەڭ جانە كۇندىز وبلىستىڭ وڭتۇستىگىندە، شىعىسىندا، تاۋلى اۋداندارىندا ەكپىنى 15-20 م/س، كەي ۋاقىتتا 24-29 م/س.
الماتىدا وڭتۇستىك-باتىس جەلى، كۇندىز ەكپىنى 15-20 م/س كۇتىلەدى.
باتىس قازاقستان وبلىسىندا جەل سولتۇستىك-شىعىستان سوعادى، كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س.
تۇركىستان وبلىسىنىڭ تاۋىندا قاتتى جاڭبىر، بۇرشاق جاۋادى. وبلىستىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋداندارىندا نايزاعاي كۇتىلەدى. وڭتۇستىك-باتىستان جەل سوعادى، نايزاعاي كەزىندە ەكپىنى 15-20 م/س.
شىمكەنتتە تاڭەرتەڭ جانە كۇندىز نايزاعاي كۇتىلەدى. وڭتۇستىك-باتىستان جەل سوعادى، نايزاعاي كەزىندە ەكپىنى 15-20 م/س.
قوستانايدا سولتۇستىك-شىعىستان جەل سوعادى، كۇشى 15-20 م/س كۇتىلەدى.
جەتىسۋ وبلىسىنىڭ تاۋلى اۋداندارىندا قاتتى جاڭبىر، وبلىستىڭ وڭتۇستىگىندە، سولتۇستىگىندە نايزاعاي كۇتىلەدى. وبلىستىڭ سولتۇستىگىندە، شىعىسىندا باتىستان جەل سوعادى، كۇشى 15-20، ەكپىنى 23-28 م/س كۇتىلەدى.
قاراعاندى وبلىسىنىڭ سولتۇستىگىندە، وڭتۇستىگىندە، شىعىسىندا وڭتۇستىك-باتىستان جەل سوعادى، ەكپىنى 15-20 م/س كۇتىلەدى.
سولتۇستىك قازاقستان وبلىسىنىڭ وڭتۇستىگىندە، شىعىسىندا جاۋىن-شاشىن (جاڭبىر، قار)، تۇمان، كوكتايعاق كۇتىلەدى. سولتۇستىكتەن، سولتۇستىك-شىعىستان جەل سوعادى، كۇشى 15-20 م/س، ەكپىنى 23-28 م/س كۇتىلەدى.
شىعىس قازاقستان وبلىسىنىڭ سولتۇستىگىندە، شىعىسىندا، ورتالىعىندا جەل شىعىستان، وڭتۇستىك-شىعىستان سوعادى، كۇشى 15-20 م/س.
اباي وبلىسىنىڭ سولتۇستىگىندە، باتىسىندا، ورتالىعىندا جەل وڭتۇستىك-شىعىستان، وڭتۇستىكتەن سوعادى، كۇشى 15-20 م/س.
جامبىل وبلىسىنىڭ وڭتۇستىگىندە، تاۋلى اۋداندارىندا قاتتى جاڭبىر نايزاعاي، بۇرشاق كۇتىلەدى. 07 ساۋىردە وڭتۇستىك-باتىستان جەل سوعادى، وبلىستىڭ وڭتۇستىك-باتىسىندا، سولتۇستىك-شىعىسىندا، تاۋلى اۋداندارىندا 15-20 م/س، كۇندىز ەكپىنى 23-28 م/س كۇتىلەدى.