الەۋمەتتىك جەلىلەر مەن مەسسەندجەرلەردە تارالعان الماتىداعى بىرنەشە مەكتەپتە تەررورلىق ارەكەتتەر دايىندالۋى مۇمكىن دەگەن حابارلامالارعا بايلانىستى قالالىق پوليسيا دەپارتامەنتىنىڭ (پد) باسپا ءسوز قىزمەتى رەسمي مالىمدەمە جاسادى، دەپ حابارلايدى aqshamnews.kz
پد مالىمەتىنە سايكەس، بۇل اقپارات شىندىققا سايكەس كەلمەيدى جانە جالعان حابار بولىپ تابىلادى. قازىرگى ۋاقىتتا قالاداعى بارلىق وقۋ ورىندارىنداعى جاعداي تولىق باقىلاۋدا.
"پوليسيا مەن باسقا دا جەدەل قىزمەتتەر كۇشەيتىلگەن رەجيمدە جۇمىس ىستەپ جاتىر، بالالار مەن مۇعالىمدەردىڭ قاۋىپسىزدىگىن قامتاماسىز ەتۋ ءۇشىن بارلىق قاجەتتى شارالار قابىلدانۋدا"، – دەلىنگەن حابارلامادا.
جالعان اقپاراتتى تاراتۋ فاكتىسى بويىنشا جەدەل-ىزدەستىرۋ ءىس-شارالارى باستالعان. قازىرگى ۋاقىتتا حابارلامانىڭ اۆتورى مەن كوزى انىقتالۋدا، ونى تاراتقان تۇلعا زاڭناماعا سايكەس جاۋاپقا تارتىلادى.
پوليسيا تۇرعىندارعا بىرنەشە ەسكەرتۋ جاسادى: سابىر ساقتاۋ، پانيكاعا بەرىلمەۋ، تەك رەسمي اقپارات كوزدەرىنە – مەملەكەتتىك ورگاندار مەن قۇقىق قورعاۋ قۇرىلىمدارىنىڭ حابارلامالارىنا سەنۋ، سونداي-اق تەكسەرىلمەگەن حابارلامالاردى تاراتىپ نەمەسە كوشىرىپ جىبەرمەۋ.
"بالالاردىڭ قاۋىپسىزدىگىنە قاتىستى جالعان اقپاراتتى تاراتۋ – اۋىر قۇقىق بۇزۋشىلىق بولىپ تابىلادى جانە زاڭ بويىنشا جاۋاپكەرشىلىككە اكەپ سوقتىرادى"، – دەپ ەسكەرتتى پد الماتى باسپا ءسوز قىزمەتى.