سايلاۋ ۋچاسكەسىنە كەلۋ - ءبىزدىڭ ازاماتتىق بورىشىمىز.
جەتىسۋ اۋدانىنىڭ تۇرعىندارىمەن كەزدەسكەن الماتى قالاسىنىڭ اكىمى ەربولات دوسايەۆ ءسوز سوڭىندا حالىقتى رەفەرەندۋمعا بارۋعا شاقىردى، دەپ حابارلايدى Almaty-akshamy.kz.
«قۇرمەتتى الماتىلىقتار!
5 ماۋسىمدا كونستيتۋسياعا تۇزەتۋلەر ەنگىزۋ بويىنشا رەفەرەندۋم وتەتىنىن ەسكە سالعىم كەلەدى. بۇل قازىرگى اتا زاڭىمىزدى بەكىتكەن 1995 جىلدان بەرگى العاشقى رەفەرەندۋم. الداعى داۋىس بەرۋ – بۇل تاريحي وقيعا. سايلاۋ ۋچاسكەسىنە كەلۋ - ءبىزدىڭ ازاماتتىق بورىشىمىز.
بۇل نەلىكتەن ماڭىزدى؟
ۇلت، مەملەكەت رەتىندە ءبىزدىڭ بولاشاعىمىز اتا زاڭعا تاۋەلدى. ەلدەردىڭ باسىم كوپشىلىگى كونستيتۋسياسىز ءومىر سۇرمەيدى، ونسىز مەملەكەت تە، قوعامنىڭ نەگىزگى پرينسيپتەرى دە بولمايدى.
5 ماۋسىمدا ءبىز بالالارىمىزدىڭ بولاشاعى ءۇشىن داۋىس بەرەمىز. جانە دە ونىڭ قانداي بولاتىنى ءبىزدىڭ تاڭداۋىمىزعا بايلانىستى بولماق!» - دەدى مەگاپوليس باسشىسى ەربولات دوسايەۆ.