الماتى قالاسى بويىنشا مەملەكەتتىك كىرىستەر دەپارتامەنتى 7 ساۋىردەن 26 ماۋسىمعا دەيىن قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىمەن بىرلەسىپ، «Qoldau» اكسياسىن قولعا الدى.
ءىس-شارا قالامىزعا قاراستى 8 اۋدانىنداعى مەملەكەتتىك كىرىستەر باسقارمالارىندا ۇيىمداستىرىلدى.
«اشىق ەسىك كۇنىن كاسىپكەرلىكپەن اينالىسا باستاعان ادامدارعا، اۋدان تۇرعىندارىنا، سالىق زاڭدىلىعىن تۇسىنە الماي جۇرگەن جاندارعا ارنادىق. اكىمشىلىك تاراپىنان دا قىزمەتكەرلەردى شاقىردىق. ولارعا قوياتىن سۇراقتار بولسا، جاۋابىن، شەشىمىن تاپسىن دەگەن نيەتپەن بىرلەسكەن اكسيا ۇيىمداستىرىپ وتىرمىز. الەۋمەتتىك جەلى ارقىلى «Qoldau» اكسياسى جايلى تۇسىندىرمە جۇمىستارىن جۇرگىزدىك. ءبىر جاعىنان، كوپشىلىكتى تولعاندىراتىن سۇراقتارمەن تانىس بولدىق. الداعى ۋاقىتتا قانداي باعىتتا جۇمىس جاساۋ كەرەكتىگىن وزىمىزگە ءتۇرتىپ الدىق»،–دەيدى الماتى قالاسى ناۋرىزباي اۋدانى بويىنشا مەملەكەتتىك كىرىستەر باسقارما باسشىسى تولەۋحان كەرىمبەكوۆ.
اكسياعا 3827 ادام قاتىسقان ولار ءوزارا ءىس-قيمىلدىڭ ارقاسىندا قىزىقتىرعان بارلىق سۇراقتارىنا جاۋاپ الىپ، سونداي-اق نورماتيۆتىك-قۇقىقتىق جانە زاڭنامالىق اكتىلەردىڭ ساپاسىن ارتتىرۋ بويىنشا ءوز پىكىرلەرىمەن بولىسە الدى.
«بىرلەسە وتكىزىپ وتىرعان شارامىز قالا تۇرعىندارىنا تۇسىندىرمە جۇمىستارى رەتىندە جۇرگىزىلدى. ءار اۋداندا اپتانىڭ بەيسەنبى كۇندەرى تاڭعى ساعات 9-دان تۇسكە دەيىن ءتۇسىندىرۋ جۇمىستارى ۇيىمداستىرىلدى. سالىق تولەۋشىلەرگە، كاسىپكەرلىكتى قولعا الا باستاعان جاندارعا، اۋدان تۇرعىندارىنا اقپاراتتىق كومەك كورسەتتىك. بۇل «ەستيتىن مەملەكەت» تۇجىرىمداماسى شەڭبەرىندە كەرى بايلانىستى ايتارلىقتاي كۇشەيتۋگە جانە قالا تۇرعىندارىنىڭ سۇراۋلارىنا ۋاقتىلى دەن قويۋعا مۇمكىندىك بەرەدى. تۇرعىنداردى مازالاعان كەيبىر ماسەلەلەر دەپارتامەنتتىڭ باقىلاۋىنا الىندى»،–دەيدى الماتى قالاسى بويىنشا مەملەكەتتىك كىرىستەر دەپارتامەنتىنىڭ مەملەكەتتىك قىزمەت باسقارماسىنىڭ مەملەكەتتىك كورسەتۋلەر ساپاسىن دامىتۋ جانە ءبولىم باسشىسى ينديرا راحيمدجانوۆا.
كەڭەس بەرۋ كۇندەرى حالىققا سالىقتىق زاڭنامالارى ەگجەي-تەگجەيلى ءتۇسىندىرىلدى. بۇگىنگى كۇنى ازاماتتاردىڭ قۇقىقتىق ءبىلىمىن ارتتىرۋدىڭ ماڭىزى زور دەيدى ماماندار.
«مەملەكەتتىك ورگاندار حالىققا اشىق بولسىن دەگەن نيەتپەن «Qoldau» اكسياسىن ۇيىمداستىردىق. ءبىزدىڭ قىزمەت الۋشىلارعا حالىق ءۇشىن جاسالىپ جاتقان شارۋالار كومەگى تيەدى دەگەن ويدامىن. ەكى ايدىڭ ىشىندە 3000 مىڭنان استام ادام كومەك الدى. قاراپ وتىرساق، اۋەزوۆ، المالى، بوستاندىق اۋداندارىنىڭ تۇرعىندارى باسقالارعا قاراعاندا وتە بەلسەندى ەكەن. كەلۋشىلەردىڭ كوپشىلىگى جەكە كاسىپكەرلىكتى قولعا الۋعا نيەتتى ەكەندىگىن بايقادىق، قانداي قۇجاتتار تاپسىرۋ كەرەكتىگىن، قايدا تاپسىرۋ قاجەتتىگىن ءتۇسىندىرىپ وتتىك»،–دەيدى قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ وكىلى ماقسات جاڭبىرشييەۆ.
«Qoldau» اكسياسى اياسىندا تۇرعىندار مىنانداي قىزمەتتەرگە جۇگىنگەن.
- جەكە كاسىپكەر رەتىندە تىركەلۋگە 647 تۇرعىن جۇگىنگەن (16%).
- سالىق ەسەپتىلىگىن تابىس ەتۋدى توقتاتا تۇرۋعا (ۇزارتۋ، قايتا باستاۋ) 337 تۇرعىن جۇگىنگەن (8%).
- سالىق ەسەپتىلىگىن قابىلداۋعا 318 تۇرعىن جۇگىنگەن (10%).
- سالىق ەسەپتىلىگىن كەرى قايتارىپ الۋعا 296 تۇرعىن جۇگىنگەن (10%).
- قوسىلعان قۇن سالىعىن تولەۋشىلەردى تىركەۋ ەسەبى بويىنشا 98 تۇرعىن جۇگىنگەن (3%).
- قىزمەتتى توقتاتۋعا 578 تۇرعىن جۇگىنگەن (15%).
- كامەرالدىق باقىلاۋ حابارلاماسى بويىنشا 789 تۇرعىن جۇگىنگەن (20%).
- سالىق سالۋ سالاسىنداعى وزگە دە ماسەلەلەرى بويىنشا 764 تۇرعىن جۇگىنگەن (19%).