بۇگىن ءماجىلىستىڭ ءۇشىنشى سەسسياسىنىڭ قورىتىندى وتىرىسى ءوتتى. كانيكۋلعا شىققان ءماجىلىس دەپۋتاتى ازات پەرۋاشيەۆ اqshamnews.kz تىلشىسىنە قايدا دەمالۋدى جوسپارلاپ وتىرعانىن ايتتى.
"بالالارىممەن سويلەستىم، شەتەلەگە ەشكىم بارعىسى كەلمەيدى. شىعىسقا اپارايىن دەپ وتىرمىن. مىندەتتى تۇردە ءبىزدىڭ وتباسى الاكولگە، قاپشاعايعا بارادى. شۇكىر ەلىمىز باي، جەرى كەڭ، كورسەتەتىن جەر كوپ"، - دەدى ول.
سونداي-اق، دەپۋتات وسى سەسسيادا اتقارعان جۇمىسىنا باعا بەردى.
"ءوز باسىم فراكسياعا، ءوز جۇمىسىما باعا بەرە المايمىن. بىزگە سايلاۋشىلار باعا بەرسىن. ءۇشىنشى سەسسيانى قورىتىندىلاساق، مەنىڭشە، ەڭ ۇلكەن، جاۋاپتى، كۇردەلى قابىلدانعان زاڭ جوبالارى ىشىندە بۇل - سالىق كودەكسى. ءبىزدىڭ فراكسيا ونى قولداعان جوق. ۇكىمەت بۇل زاڭ جوباسى بويىنشا كۇماندى شەشىم قابىلدادى. بۇل شاعىن بيزنەستى جابۋعا نەمەسە كولەڭكەلى بيزنەس ارقىلى جۇمىس ىستەۋگە اكەلدى. مەنىڭ ويىمشا، بۇل سۇراققا قايتىپ كەلەمىز"، - دەدى ول.