بۇل تۋرالى ق ر پرەمەر-مينيسترىنىڭ ورىنباسارى ەرالى توعجانوۆ ايتتى.
ونىڭ ايتۋىنشا، ءبىلىم جانە عىلىم مينيسترلىگىمەن بىرگە بالالارعا قوسىمشا ءبىلىم بەرۋدىڭ ءبىرىڭعاي ۆەب-پورتالىن ازىرلەۋ ماسەلەسىن دە پىسىقتاۋ قاجەت. بۇل ماسەلەنى ۆيسە-پرەمەر مادەنيەت جانە سپورت مينيسترلىگىنىڭ القا وتىرىسىندا قوزعادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءبىرىڭعاي ۆەب-پورتال سەكسيالار مەن ۇيىرمەلەرگە باراتىن بالالاردىڭ ستاتيستيكاسىن جۇرگىزۋگە، مەملەكەتتىك قاراجاتتىڭ جۇمسالۋىن قاداعالاۋعا جانە اتا-انالار ءۇشىن ءتيىستى سەكسيالارعا ءوتىنىم بەرۋگە وتە ىڭعايلى دەپ ويلايمىن. بۇل جەردە دە ماسەلە از ەمەس. بۇعان كەي جەرلەردە ازاماتتاردىڭ قارسى شىعىپ جاتقانىن دا بىلەمىن. نەگە دەسەڭىزدەر، ول وتە ىڭعايلى. ەشكىم بالالار قاي جەردە شۇعىلدانىپ جاتقانىنا، باپكەردىڭ بىلىكتىلىگى كەلە مە، كەلمەي مە جاۋاپ بەرمەيدى. ءبىر سوزبەن ايتقاندا، ول جەردەگى ازاماتتاردىڭ ناقتى جاۋاپكەرشىلىگىن بەلگىلەۋ كەرەك. بەرىلگەن قارجىنىڭ ناقتى، ناتيجەلى ۇيىمداستىرىلۋىنىڭ ءوزى - تىكەلەي الدىمىزدا تۇرعان مىندەت»، - دەدى ۆيسە-پرەمەر.
وسى رەتتە ەرالى توعجانوۆ مادەنيەت جانە سپورت مينيسترلىگىنە مەملەكەتتىك سپورتتىق تاپسىرىستى ءبىلىم جانە عىلىم مينيسترلىگىنىڭ قوسىمشا ءبىلىم بەرۋ جۇيەسىمەن ىقپالداستىرۋدى تاپسىردى.
«وڭاي جۇمىس ەمەس. ءبىراق، وسىنى ۇيىمداستىرۋىمىز كەرەك. ءاربىر بالا قايدا باراتىنىن ءبىلۋى كەرەك. بالا ۇيىرمەگە بۇگىن بارعانىمەن، ءبىر ايدان كەيىن اينىپ، باسقا جەرگە بارامىن دەۋى مۇمكىن. جارتى جىلدان كەيىن ويى تاعى وزگەرۋى مۇمكىن. نەگىزگى ماقسات - بولىنەتىن اقشا بالانىڭ سوڭىنان ءجۇرۋى ءتيىس. ونىڭ ەسەبى بولۋى قاجەت»، - دەدى ۇكىمەت باسشىسىنىڭ ورىنباسارى.