جالپى، ەلىمىزدە ءبىر جىلدا نەكەلەر سانى 9%-عا وسسە، اجىراسۋلار سانى 14%-عا ازايعان.
2021 جىلعى قاڭتار-جەلتوقساندا ەلىمىزدە 140،3 مىڭ نەكە تىركەلدى، بۇل ءبىر جىل بۇرىنعىدان 8،9%-عا كوپ، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
قالالاردا نەكە قيعاندار سانى ءبىر جىلدا بىردەن 12%-عا، ياعني 99،4 مىڭعا دەيىن وسسە، اۋىلداردا نەبارى 1،9%-عا، ياعني 40،8 مىڭعا دەيىن كوبەيدى.
2021 جىلدىڭ 12 ايىندا اجىراسۋلار سانى 19،3 مىڭدى قۇرادى، بۇل ءبىر جىل بۇرىنعى كورسەتكىشتەن بىردەن 14،4%-عا از. قالالاردا اجىراسۋلار سانى جىلىنا 10،8%-عا، ياعني 14،9 مىڭعا دەيىن، اۋىلداردا 24،5%-عا، 4،4 مىڭعا دەيىن ازايدى.
جۇپتاردىڭ كوبى بىلتىر الماتى قالاسىندا تىركەلگەن. وڭتۇستىك استانادا 18،8 مىڭ نەكە تىركەلگەن، بۇل ءبىر جىل بۇرىنعىدان 18،8%-عا كوپ.
ۇزدىك ۇشتىككە سونىمەن قاتار حالقى تىعىز ورنالاسقان الماتى (14 مىڭ، پليۋس جىلىنا 7،9%) جانە تۇركىستان (13،9 مىڭ، پليۋس 3،2%) وبلىستارى كىردى. نەكەنىڭ ەڭ از كورسەتكىشى سولتۇستىك قازاقستان وبلىسىندا تىركەلگەن: نەبارى 3،5 مىڭ، ءبىراق وبلىس ءۇشىن ايتارلىقتاي جوعارى كورسەتكىش – جىلىنا 19،9%-عا وسكەن.
تىركەلگەن اجىراسۋ دەرەكتەرىنىڭ دە ەڭ كوپ سانى الماتى قالاسىندا (2،6 مىڭ)، الماتى وبلىسىندا (2 مىڭ) جانە قاراعاندى (1،9 مىڭ) وبلىستارىندا، ەڭ ازى – قىزىلوردا وبلىسىندا (بارلىعى 437) تىركەلگەن.
ەلىمىزدە نەكە قيۋ كورسەتكىشى 1000 ادامعا شاققاندا 6،78-دەن 7،29-عا دەيىن ءوستى. نەكەنىڭ ەڭ جوعارى كورسەتكىشى ەلوردادا تىركەلگەن: 1000 ادامعا 9،66. ۇزدىك ۇشتىككە الماتى قالاسى مەن اتىراۋ وبلىسى دا كىردى.
اجىراسۋ كورسەتكىشى، كەرىسىنشە، 1000 ادامعا شاققاندا 1،18-دەن 1-گە دەيىن تومەندەدى. وڭىرلىك تۇرعىدان العاندا پاۆلودار، سولتۇستىك قازاقستان جانە قاراعاندى وبلىستارىندا بۇل كورسەتكىشتىڭ از ەكەنى بايقالدى.
