«ەر توستىك» ادەبي بايقاۋىنىڭ جەڭىمپازدارى ماراپاتتالدى
«2021 - بالالار ادەبيەتى جىلىنا» وراي ۇيىمداستىرىلعان بالالار مەن جاسوسپىرىمدەر شىعارمالارىنا ارنالعان «ەر توستىك» ادەبي بايقاۋىنىڭ جەڭىمپازدارى ماراپاتتالدى، دەپ حابارلايدى Almaty-akshamy.kz
مادەنيەت جانە سپورت مينيسترلىگىنىڭ قولداۋىمەن ۇلتتىق اكادەميالىق كىتاپحانا «2021- بالالار ادەبيەتى جىلىنا» وراي بالالار مەن جاسوسپىرىمدەر شىعارمالارى ءۇشىن «ەر توستىك» ادەبي بايقاۋىن جاريالاعان بولاتىن.
بايقاۋ 2021 جىلدىڭ 2 تامىزى مەن 2 قازانى ارالىعىندا ءوتتى. بارلىعى 90 اۆتوردىڭ جۇمىسى تىركەلگەن.
ماراپاتتاۋ ءراسىمى بىرنەشە نوميناسيا بويىنشا ءوتتى: پروزا، ەرتەگى، بالالارعا ارنالعان ولەڭدەر جانە ۇزدىك يلليۋستراسيا.
ادەبي بايقاۋدىڭ ماقساتى – بالالار مەن جاسوسپىرىمدەرگە ارناپ جازاتىن تالانتتى قالامگەرلەردى انىقتاۋ، لايىقتى ماراپاتتاۋ، قازاق بالالار ادەبيەتىن قولداۋ جانە دامىتۋ.