الماتىدا پاتەر ساتۋ تۋرالى جالعان كەلىسىمشارت جاساعان الاياق ۇستالدى

پاتەر ساتۋعا بايلانىستى جالعان قۇجاتپەن جۇرتتى الداپ كەلگەن الاياقتىڭ ءىسى اشىلدى

الماتىدا پاتەر ساتۋ تۋرالى جالعان كەلىسىمشارتتار جاساعان اقمولالىق الاياق ۇستالدى، دەپ حابارلايدى Almaty-akshamy.kz

Polisia.kz اقپاراتىنا سايكەس، پوليسيا قىزمەتكەرلەرى جەدەل ىزدەستىرۋ ءىس-شارالارى اياسىندا پاتەر ساتىپ جۇرگەن كۇدىكتىنى انىقتادى. ول اقمولا وبلىسىنىڭ تۋماسى بولىپ شىقتى.

«35 جاستاعى ي.ەسىمدى ازامات پاتەر ساتۋ تۋرالى حابارلاندىرۋلاردى ورنالاستىردى. ساتىپ الۋشىلار پايدا بولعان كەزدە ول جالعان ساتۋ-ساتىپ الۋ كەلىسىمشارتىن جاساعان. ول اقشانى الىپ، ساتىپ الۋشىمەن بايلانىسىن ءۇزىپ، بەلگىسىز باعىتتا جاسىرىنعان. كۇدىكتى سوڭعى مامىلەنى 11 ميلليون تەڭگەگە جۋىق سوماعا جاساعان»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

ءقازىردىڭ وزىندە بىرنەشە جابىرلەنۋشى انىقتالدى. بۇل فاكت ق ر قك-نىڭ 190-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ۇستالعان ادام ۋاقىتشا ۇستاۋ يزولياتورىنا قامالدى.

بۇل ادامنىڭ ارەكەتتەرىنەن زارداپ شەككەن ازاماتتاردان المالى اۋداندىق پوليسيا باسقارماسىنا مىنا تەلەفون نومىرلەرى ارقىلى حابارلاسۋدى سۇرايمىز: 8-708-707-9202؛ 8-705-555-7763؛ 8-775-719-2727.