بۇل تۋرالى استانا قالالىق جەدەل جاردەم ستانسياسى اقپاراتتىق-جەدەل ديسپەچەرلىك ءبولىمىنىڭ مەڭگەرۋشىسى سابىر نارقۇلوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اۋا رايىنا بايلانىستى جەڭىل كيىنىڭىز. باسىڭىزعا جەڭىل قالپاق كيىپ، كۇننەن قورعايتىن كوزىلدىرىك تاعىڭىز. اعزاڭىزدىڭ سۋسىزدانۋىنا جول بەرمەۋ ءۇشىن وزىڭىزبەن بىرگە سۋ الىپ ءجۇرىڭىز. اس ۇلەسىنەن مايلى جانە قۋىرىلعان تاعامداردى الىپ تاستاۋ ۇسىنىلادى. بۇل تاعامدار اعزاعا شامادان تىس جۇكتەمە تۇسىرەدى. سونىمەن قاتار الكوگولدەن، ءشول قاندىرمايتىن گازدالعان جانە ءتاتتى سۋسىنداردان باس تارتقان ءجون. ەڭ دۇرىسى، اس مازىرىڭىزدە دارۋمەنگە باي ءارى اعزاعا تەز سىڭەتىن كوكونىستەر مەن سورپالار بولعانى ءجون»، - دەدى ول.
ونىڭ اتاپ وتۋىنشە، كۇندىزگى ۋاقىتتا تەرەزەلەردى جاۋىپ، ال كەشكى ۋاقىتتا بولمەلەردى سالقىنداتۋ ءۇشىن تەرەزەلەردى اشۋ قاجەت.
«اۋاباپتاعىشتار دا ءقاۋىپتى. تەمپەراتۋرانىڭ بىردەن اۋىسۋى جوعارى تىنىس جولدارىنىڭ، اۋرىنا، دەنە قىزۋىنىڭ كوتەرىلۋىنە، سۋىق تيۋگە الۋىپ كەلۋى مۇمكىن ەكەنىن ەسكەرتەمىز. بالالار سۋبۇرقاقتا شومىلۋ ارقىلى ۆيرۋستار مەن زياندى ميكروورگانيزمدەردى جۇقتىرىپ الۋى دا مۇمكىن. دالادان كەلە سالا سۋىق سۋعا شومىلماڭىز. بۇل باسقا دا اۋرۋلارعا تۇرتكى بولۋى ىقتيمال»، - دەدى سابىر نارقۇلوۆ.