جاپونيانىڭ تيبا قالاسىندا وتكەن 64ء-شى حالىقارالىق ماتەماتيكالىق وليمپيادادا (IMO-2023) قازاقستاندىق وقۋشىلار بىردەن التى مەدالعا يە بولدى
وعان الەمنىڭ 112 ەلىنەن بارلىعى 618 وقۋشى قاتىسىپ جاتىر، دەپ حابارلايدى Almaty-akshamy.kz.
وقۋ-اعارتۋ مينيسترلىگىنىڭ مالىمەتىنشە، قازاقستان قۇراماسى ەكى كۇمىس جانە ءتورت قولا مەدال جەڭىپ الىپ، الەمدىك ەسەپتە 21ء-شى ورىنعا يە بولدى. ولار:
II ورىن – ميرون يۋركيەۆيچ – الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 10- سىنىپ وقۋشىسى؛
II ورىن – رايىمبەك بايشۋاق – الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ 11-سىنىپ وقۋشىسى؛
III ورىن – جان داۋتوۆ - قوستاناي وبلىستىق «ءبىلىم-يننوۆاسيا» ليسەي-ينتەرناتىنىڭ 10-سىنىپ وقۋشىسى؛
III ورىن – باتىرحان ساكەنوۆ – الماتى قالاسىنداعى Haileybury Almaty حالىقارالىق مەكتەبىنىڭ 12- سىنىپ وقۋشىسى؛
III ورىن – ۆلاديمير روگوۆسكيي – پاۆلودار قالاسىنىڭ №8 مەكتەپ-ليسەيىنىڭ 10-سىنىپ وقۋشىسى؛
III ورىن – مارعۇلان شارەل – جامبىل وبلىستىق «ءبىلىم-يننوۆاسيا» ليسەي- ينتەرناتىنىڭ 10-سىنىپ وقۋشىسى.
«ءبىزدىڭ ۇلتتىق قۇرامانىڭ ماتەماتيكا پانىنەن حالىقارالىق وليمپيادادا قول جەتكىزگەن ناتيجەلەرى ماقتانۋعا تۇرارلىق. قازاقستاندىق وقۋشىلار ءار قاتىسقان جىلدارى 16 التىن، 44 كۇمىس، 75 قولا مەدال جانە 28 ماقتاۋ قاعازىن الدى. ءدال وسىنداي وليمپيادالاردىڭ جۇلدەگەرلەرىنە وتاندىق جوو-نا كونكۋرستان تىس نەگىزدە وقۋعا مۇمكىندىكتەر قاراستىرىلعان. سونىمەن قاتار جەڭىمپازدار مەن جارىسقا دايىنداعان ۇستازدارىنا ءبىر رەتتىك اقشالاي سىيلىق بەرىلەدى»، - دەدى دارىن رەسپۋبليكالىق عىلىمي-پراكتيكالىق ورتالىعىنىڭ ديرەكتورى عاجدەمبەك تۇرسىنوۆ.