گوندولەر بولۋ مۇراگەرلىك جولمەن بەرىلەدى
ۆەنەسيادا جاڭا گوندولەرلەردى جالداۋ سيرەك وقيعا. ادەتتە، گوندولەر بولۋ مۇراگەرلىك جولمەن بەرىلەدى.
گوندولەرلەردىڭ ورتاشا جالاقىسى جىلىنا 150 000 ەۋرونى قۇرايدى. قالا گوندولەرلەر مەكتەبىنە كونكۋرس جاريالادى، الايدا وقىتۋ كۋرسى 1000 ەۋروعا باعالانادى.
كانديداتتارعا قويىلاتىن تالاپتار: يتاليان تىلىندە سويلەي ءبىلۋ، دەنساۋلىعى جاقسى بولۋى كەرەك، ءجۇزۋ، العاشقى كومەك كورسەتۋ جانە ۆەنەسيانىڭ تاريحىن ءبىلۋءى ءتيىس.
جاپوندىق عالىمدار «اقىلدى» ساعاتتار شىعاردى
بۇل ساعاتتار يەسىنە پوتەنسيالدى سۋسىزدانۋ نەمەسە كۇن ءوتۋ ءقاۋپى تۋرالى الدىن الا حابارلاۋعا مۇمكىندىك بەرەدى. ساعاتتىڭ ديسپلەيىندە دەنەدەگى سۋ دەڭگەيى تۋرالى مالىمەتتەر ناقتى ۋاقىتتا كورسەتىلەدى، ال ارنايى داچيكتەر بۇل اقپاراتتى وقىپ، يەسىنە ەسكەرتۋ جىبەرەدى.
عالىمدار بۇل گادجەت اشىق اۋادا جۇمىس ىستەيتىندەرگە، مىسالى، قۇرىلىسشىلارعا، اۋىل شارۋاشىلىعى جۇمىسشىلارىنا جانە سپورتشىلارعا وتە پايدالى بولاتىنىن ايتادى.
تاڭقۋرايدى روبوت جينايدى
عالىمدار العاشقى الەمدەگى مالينا جيناۋشى روبوتتىڭ جاڭارتىلعان نۇسقاسىن ۇسىندى.
ءتورت قولدى اپپارات جاساندى ينتەللەكت ارقىلى باسقارىلادى جانە جىلدامدىق پەن تيىمدىلىك جاعىنان ادامنان كەم تۇسپەيدى. ول تاۋلىك بويى جۇمىس ىستەءيدى. روبوت جيدەكتىڭ ءپىسكەن، پىسپەگەنىن دە انىقتاي الادى.
جيرەن شاشتى ادامدار فەستيۆالى ءوتتى
نيدەرلاندىنىڭ تيلبۋرگ قالاسىندا جيرەن شاشتى ادامداردىڭ فەستيۆالى ءوتتى. وعان 12 ەلدەن استام 10 000-نان استام ادام قاتىستى. بۇل كورسەتكىش وتكەن جىلمەن سالىستىرعاندا ەكى ەسە كوپ. فەستيۆال ءداستۇرلى تۇردە بارلىق قاتىسۋشىلارمەن توپتىق فوتوسۋرەت تۇسىرۋمەن اياقتالدى. 2013 جىلى وسى شارا گيننەسس رەكوردتار كىتابىنا الەمدەگى ەڭ اۋقىمدى جيرەن شاشتى ادامدار فەستيۆالى رەتىندە تىركەلگەن.