الماتىنىڭ ىرگەسىندەگى بەساعاش ەلدى مەكەنىندە بالالاردى سپورتقا قىزىقتىرۋ باعىتىندا ءىس-شارالار ءوتتى، دەپ حابارلايدى Almaty-akshamy.kz.
شاراعا بەلگىلى سپورتشىلار، لوندون وليمپياداسىنىڭ جانە ازيا بىرىنشىلىگىنىڭ التىن جۇلدەگەرى اقجۇرەك تاڭاتاروۆ، ازيا چەمپيوناتىنىڭ قولا جۇلدەگەرى، بوكسشى فەرۋزا شاريپوۆا ت.ب. قاتىستى.
جيىننىڭ ماقساتى - جاس وسكەلەڭ ۇرپاقتى مىعىم، قۋاتتى، شيراق بولىپ وسۋگە ۇندەۋ. سونداي-اق جاستاردى سپورت ارقىلى وتانشىلدىق رۋحتا تاربيەلەۋ.
«شارا ءوسىپ كەلە جاتقان جاس بۋىننىڭ بويىنداعى سپورتقا قۇمارتۋشىلىعىن وياتۋ بولىپ ەسەپتەلەدى. وسى ماقساتپەن قاراكوزدەرىمىزدى جيناپ كىشىگىرىم جاتتىعۋ ۇيىمداستىرىلدى. ويتكەنى بولاشاق چەمپيوندار وسى وسكەلەڭ ۇرپاقتىڭ اراسىنان ءوربىپ شىعادى. سوندىقتان قازاق جاستارى جىگەرلى، نامىسشىل، ءبىلىمدى ءارى سپورتتى جانىنا سەرىك ەتىپ وسسە دەگەن يگى نيەتىمىز بار»، - دەدى لوندون وليمپياداسىنىڭ قولا جۇلدەگەرى اقجۇرەك تاڭاتاروۆ.
بۇگىنگى جاس ۇرپاقتى سمارتفوننان الشاقتاتۋ قيىن بولىپ تۇر. بۇل قوعامنىڭ وزەكتى ماسەلەسىنە اينالىپ بارادى. سول سەبەپتى دە سپورت وسىنداي ولقىلىقتاردىڭ ورنىن تولتىراتىن كورىنەدى. بۇل تۋرالى بوكسشى فەرۋزا شاريپوۆا ايتىپ بەردى.
«مۇنداي سپورتتىق ءىس-شارالاردى ۇدايى وتكىزۋ كەرەك. سوندا عانا بالالارىمىزدى سمارتفونعا تەلمىرۋدەن الشاقتاتامىز. الەمدىك جارىستاردا توپ جارىپ جۇرگەن اعا-اپكەلەرىنە قاراپ بوي تۇزەپ، ۇلگى-ونەگە السا، نۇر ۇستىنە نۇر بولادى»، - دەپ ءتۇيدى ول.