وقتى كىم ءبىرىنشى اتقانى بەلگىسىز
تالىپتەر مەن يراندىق اسكەريلەر يسلام رەسپۋبليكاسىنىڭ اۋعانستانمەن شەكاراسىندا وق اتىستى. سالدارىنان ساربازدار قازا تاپتى، جاراقات العاندار بار، دەپ حابارلايدى Almaty-akshamy.kz.
قاقتىعىس سۋعا تالاستان بولعان. وقتى كىم ءبىرىنشى اتقانى بەلگىسىز. قوس تاراپ ءبىرىن-بىرى ايىپتاپ وتىر.
وقيعادان كەيىن يراننىڭ بەلۋدجيستان مەن اۋعانستاننىڭ نيمروز ايماعىندا ورنالاسقان ءىرى شەكارا بەكەتى جابىلدى، دەپ جازدى Zakon.kz.
اۋعانستان ىشكى ىستەر مينيسترلىگىنىڭ باسپا ءسوز حاتشىسى ابدۋل نافي تاكور يران تاراپى ءبىرىنشى بولىپ وق جاۋدىردى دەپ ايىپتادى.
تاكور اتىس كەزىندە ەكى ەلدەن ەكى ادام قازا تاپقانىن ايتتى، دەپ جازدى Al Jazeera.
"ءقازىر جاعداي باقىلاۋدا. يسلام امىرلىگى (اۋعانستان) كورشىلەرىمەن سوعىسقىسى كەلمەيدى"، - دەدى باسپا ءسوز حاتشىسى.
كەيىن IRNA اگەنتتىگى ەكى يراندىق شەكاراشىنىڭ قازا تاپقانىن جانە ەكى يراندىق بەيبىت تۇرعىننىڭ جارالانعانىن حابارلادى.