الماتى قالاسى قىلمىستىق-اتقارۋ جۇيەسى دەپارتامەنتىنە قاراستى №11 مەكەمەسىندە كاملەتكە تولماعان جازاسىن وتەۋشى سوتتالعاندار اراسىندا جاڭا جىلدىق مەرەكەلىك ءىس-شارا ءوتتى.
كوڭىلدى كەش ق ر پرەمەر-مينيسترىنىڭ وكىمىمەن بەكىتىلگەن قىلمىستىق-اتقارۋ (پەنيتەنسيارلىق) مەكەمەلەرىندەگى جاعدايدى ساۋىقتىرۋدىن جول كارتاسىن ىسكە اسىرۋ اياسىندا ءوتتى.
مەكەمە باستىعى ادىلەت پولكوۆنيگى المات سۇلەيمەنوۆ بارلىق ارىپتەسىن جانە تاربيەلەنۋشىلەردى كەلە جاتقان جاڭا جىلمەن قۇتتىقتاپ، جاڭا تابىستار تىلەدى.
كونسەرتتىك باعدارلامانىڭ كورىگىن «الماتى اۋەندەرى» ارتيستەرىنىڭ ساحنالىق قىزىقتى قويىلىمدارى، جاسوسپىرىمدەر قاتىستىرىلعان ويىندار قىزدىردى. فلەشموب بي دە بالالاردى ءبىر سەرگىتىپ الدى.
— ەڭ باستىسى، باس بوستاندىعى شەكتەلىپ، قاتاڭ باقىلاۋدا وتىرعان جاستارعا جاقسى كوڭىل كۇي سىيلادىق. بىر-بىرىمىزگە تىلەكتەرىمىزدى ارناپ، دوستىق نيەتىمىزدى بىلدىردىك. جەتكىنشەكتەرگە تاتتىلەر ۇسىنعان جەتىسۋ اۋدانى اكىمدىگىنىڭ وكىلىدەرىنە دە العىس ايتامىز، — دەدى مەكەمەدەگى تاربيە جۇمىسى ءبولىمىنىڭ باستىعى ادىلەت پودپولكوۆنيگى الما بازىلبايەۆا.