جاڭا جىل جاقىنداعان سايىن اياز اتا مەن اقشاقار قىزمەتتەرىنە سۇرانىس جوعارىلايدى. قازاقستانداعى ءارتۇرلى ايماقتاردا جاڭا جىلدىق مەرەكە قارساڭىندا ولاردىڭ قىزمەتتەرىنە قانشا اقشا تولەنەتىنى مەن جالپى تابىستارى ايتارلىقتاي ەرەكشەلەنەدى، دەپ حابارلايدى aqshamnews.kz
الماتى
الماتىدا جاڭا جىلدىق قىزمەتتەرگە سۇرانىس ەڭ جوعارى دەڭگەيدە. قۇتتىقتاۋ باعاسى 10 000 تەڭگەدەن 65 000 تەڭگەگە دەيىن جەتەدى. سونىمەن قاتار، VIP-قۇتتىقتاۋ پاكەتتەرى ۇسىنىلادى، ولاردا ترانسفەر، اقشاقارمەن بىرگە شاي ءىشۋ، بيلەۋ جانە فوتوسەسسيالار قامتىلعان. الماتىداعى جالپى تابىس 481 000 تەڭگەدەن 925 000 تەڭگەگە دەيىن جەتەدى.
استانا
استانادا دا باعا 25 000 تەڭگەدەن باستالىپ، 99 000 تەڭگەگە دەيىن جەتەدى. جالپى تابىس 475 000 تەڭگەدەن 1 881 000 تەڭگە ارالىعىندا.
شىمكەنت
شىمكەنتتە قىزمەتكە سۇرانىس نەگىزىنەن وتباسىلىق جانە ءبىلىم بەرۋ مەكەمەلەرىنەن كەلىپ تۇسەدى. بۇل قالادا مۇنداي قىزمەت 10 000 تەڭگە مەن 40 000 تەڭگە ارالىعىندا باعالانىپ وتىر. مۇندا جالپى تابىس 390 000 تەڭگەدەن 1 560 000 تەڭگەگە دەيىن بولادى.
شىعىس قازاقستان
شىعىس قازاقستاندا جاڭا جىلدىق قىزمەتتەر باعاسى وزگە وڭىرلەرمەن سالىستىرمالى تۇردە ايتقاندا ارزان. باعالار 9 000 تەڭگەدەن 30 000 تەڭگەگە دەيىن بولادى. قىزمەت كورسەتۋشىلەر 225 000 تەڭگەدەن 750 000 تەڭگەگە تابىس تابادى.
باتىس قازاقستان
باتىس قازاقستاندا قىزمەت كورسەتۋشىلەر ءوز ەڭبەكتەرىن 13 000 تەڭگەدەن باستاپ، 25 000 تەڭگەگە باعالايدى ەكەن. وسىلايشا 260 000 تەڭگەدەن 625 000 تەڭگەگە دەيىن تابىس تاپپاق.
جاڭا جىلعا دايىندىق ادەتتە ماۋسىم باستالماي تۇرىپ جۇرگىزىلەدى، ال ەڭ كوپ تاپسىرىستار 31 جەلتوقسان كۇنى تۇسەدى.