الماتى قالاسى بويىنشا قاج دەپارتامەنتىنە قاراستى №11 مەكەمەسىنە، ياعني كامەلەتكە تولماعان جازاسىن وتەۋشى بالالار كولونياسىندا مەگاپوليستە ورنالاسقان د.ا.قونايەۆ مۋزەي-ۇيىنىڭ ەكسكۋرسوۆودى ارداق ءابجاپپاروۆ جىلجىمالى كورمە ۇيىمداستىردى.
كورمەدە د.قونايەۆتىڭ ءومىرى مەن قىزمەتى، ەڭبەك جولى، يگى يستەرى مەن جەتىستىكتەرى تۋرالى قىزىقتى مالىمەتتەر اڭگىمەلەپ بەردى.
قازاقستاننىڭ وسىپ-وركەندەۋ جولىندا ەلەۋلى ءىزى، قولتاڭباسى قالعان بىرەگەي تۇلعا – دىنمۇحامەد قونايەۆ تۇتىنعان زاتتاردى، ەرەكشە بۇيىمدارىن قولمەن ۇستاپ، قىزىقتاپ كورگەن جاسوسپىرىمدەر تاراپىنان ساۋالدار دا از بولمادى. ارمان ەسىمدى تاربيەلەنۋشى ءوزىنىڭ مۋزەيگە بارىپ كەلگەندەي سەزىمدە بولعانىن جاسىرمادى.
«ءبىزدىڭ ماقسات – جازالى جاسوسپىرىمدەر اراسىندا وسىنداي جۇزدەسۋلەردى ءجيى ۇيىمداستىرىپ، ولارعا ءومىردىڭ ءمانىن ءتۇسىندىرۋ، جاقسى ادامداردىڭ، تۇلعالاردىڭ ءجۇرىپ وتكەن جولىن ناسيحاتتاۋ، دارىپتەۋ ارقىلى جاقسى كۇندەردەن كۇدەر ۇزبەۋىنە دانەكەر بولۋ»، – دەيدى №11 مەكەمە باستىعى ادىلەت پولكوۆنيگى المات سۇلەيمەنوۆ.