الماتى قالاسىنىڭ قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدە جازاسىن وتەۋشى جاسوسپىرىمدەرگە حالىقارالىق نەلسون ماندەلا كۇنىنە وراي، «ازاپتاۋلارعا جانە باسقا دا قاتىگەزدىككە، ادامگەرشىلىككە جاتپايتىن نەمەسە ار-نامىستى قورلايتىن ىس-ارەكەتتەر مەن جازالاۋ تۇرلەرىنە قارسى كونۆەنسيا» جايىندا ءدارىس ءوتتى.
ءدارىستى الماتى قالاسى ادىلەت دەپراتامەنتىڭ رەسمي وكىلى شىنار ازىلبەك جانە وسى ورگاننىڭ باس مامانى سانات نارىمبايەۆ جۇرگىزدى. ال سۋرەتشى ابدۋراحمان مۇحتار ۇلى سۋرەت سالۋعا بەيىمى بار جازالى جاسوسپىرىمدەرگە سۋرەت سالۋدان شەبەرلىك ساباعىن وتكىزدى.
دارىستە سوتتى بولىپ، جازاساىن وتەپ جاتقان جاستارعا حالىقارالىق نەلسون ماندەلا كۇنىنىڭ ءمان-ماعىناسى ءتۇسىندىرىلدى. بۇل كۇندى بۇۇ باس اسسامبلەياسى 2009 جىلدىڭ قاراشاسىندا بەكىتكەن جانە جىل سايىن 18 شىلدەدە وڭتۇستىك افريكاداعى اپارتەيدكە (ناسىلدىك كەمسىتۋشىلىك) قارسى ەڭ تانىمال كۇرەسكەرلەردىڭ ءبىرىنىڭ تۋعان كۇنىندە اتاپ وتىلەدى.
– بالالار بۇل كۇنى سۋرەت سالىپ قانا قويماي، وزدەرى ارلەگەن قابىرعا گازەتىنە ارمان-ماقساتىن، تىلەگىن جازدى. ارينە، تۇزەۋ مەكەمەسىندە وتىرعان جاسوسپىرىمدەردىڭ بوستاندىققا شىقسام، وتباسىممەن قاۋىشسام، ادام بولسام دەگەن تىلەگى ورىندالسىن دەيمىز. مۇنداي ءىس-شارالار ولاردى ءتۇزۋ جولعا شاقىرادى. سونداي-اق، ءوز قۇقىعىن ءبىلۋدى ۇيرەتەدى. قاتىگەز بولماۋعا، ادامگەرشىلىككە جاتپايتىن نەمەسە ار-نامىستى قورلايتىن ارەكەتتەردەن اۋلاق بولۋعا ۇندەيدى، – دەيدى ءسااپتجب باستىعىنىڭ مىندەتىن ۋاقىتشا اتقارۋشى ادىلەت كاپيتانى شولپان جارىلقاسوۆا.