الماتى قالاسىنىڭ قاج دەپارتامەنتىنە قاراستى №11 مەكەمەسىندە كامەلەتكە تولماعان جازاسىن وتەۋشى جاسوپىرىمدەر دە 1 مامىر — قازاقستان حالقىنىڭ بىرلىگى كۇنىن اتاپ ءوتتى.
— باستى ماقسات —جاسوسپىرىمدەرگە كوپ ۇلتتى قۇشاعىنا باسقان ەگەمەن ەلىمىزدەگى حالىقتار دوستىعىن، بىرلىك، تاتۋلىقتى، بەيبىت ءومىردىڭ ءقادىرىن دارىپتەۋ. ولاردى ءار حالىقتىڭ ونەرىن، ءسالت-داستۇرىن دە قۇرمەتتەي بىلۋگە شاقىرۋ، ءبىزدىڭ قازاقستان مەملەكەتىنىڭ ىزگىلىكتى دارىپتەيتىن بيىك ماقساتتاعى ەل ەكەنىن جەتكىزۋ، — دەيدى بالالار كولونياسىنىڭ تاربيە ءىسى جونىندەگى مامانى ەركەگۇل جەڭىسحان.
مەرەكەلىك ءىس-شاراعا جازاسىن وتەپ جاتقان جاسوپىرىمدەر بەلسەندى قاتىستى. ەلىمىزدە ءومىر ءسۇرىپ جاتقان ءتۇرلى ەتنوستىڭ ۇلتتىق كيىمىن كيىپ، ءان سالىپ، بي بيلەدى. وسىناۋ شاعىن عانا مادەني، رۋحاني ءىس-شارانىڭ ءوزى جازاسىن وتەپ جاتقان جەتكىنشەكتەردىڭ ساناسىنا وي سالارى ءسوزسىز.