الماتىلىق بالالار 200 دانا قۇس ۇياسىن جاسادى.
«پانالاي بەر، قۇستارىم»! بۇگىن الماتىداعى «وتباسى» ساياباعىندا (Family Park) قۇستارعا ارناپ ءوز قولدارىمەن ۇيا جاساپ ورناتقان بالالاردىڭ جۇزىندە وسىنداي لەبىز تۇردى. اۋەزوۆ اۋدانىنداعى مەكتەپ وقۋشىلارىنان 200 بالا وزدەرى جاساعان قۇس ۇياسىن ساياباقتارعا، اۋلالارعا ورناتتى دەپ حابارلايدى Almaty-aqshamy.kz.
اۋەزوۆ اۋدانى اكىمدىگى ۇيىمداستىرعان ەكولوگيالىق شارا «الماتى – ءبىزدىڭ ورتاق ءۇيىمىز» اتتى قالالىق ناۋقان اياسىندا وتكىزىلىپ وتىر. وعان اۋدان كولەمىندەگى مەكتەپ وقۋشىلارى، ۇزستازدار مەن ەكو-بەلسەندىلەر، ونەر جۇلدىزدارى مەن ب ا ق وكىلدەرى قاتىستى.
«ساياباقتاعى قۇستار الاڭسىز پانالاسىن دەپ وسى ءبىر جايلى ۇيانى جاساپ اكەلدىم. ەندى ءبىر جاعىنان ساياباققا كورىك بەرسىن دەپ ونى ۇلتتىق ناقىشتا بەزەندىردىم»، – دەيدى №126 مامانداندىرىلعان ليسەيدىڭ 7ا سىنىپ وقۋشىسى اقجول داۋلەت ۇلى.
اقجول ءوزى دايىنداعان ۇيانى «وتباسى» ساياباعىنداعى جول شەتىنە ورناتتى. ول ساياباقتا قۇستاردىڭ كوبىرەك بولۋى قالامىزدى ءتىپتى دە كورىكتى، تابيعي ءارى جانعا جايلى ەتە تۇسەدى دەپ سانايدى.
«الماتى – ءبىزدىڭ ورتاق ءۇيىمىز» ناۋقانى مامىر ايىنا دەيىن جالعاستىن بولادى. اتالعان اكسيا قالانىڭ قورشاعان ورتاسىن قورعاۋ، الماتىلىقتارمەن بىرگە جاساپ جاتقان جان-جانۋارلاردى، قۇستاردى ايالاۋ سەزىمىن ارتتىرۋ، تازا دا جايلى قالانىڭ وسكەلەڭ مادەنيەتىن قالىپتاستىرۋدى كوزدەيدى.
اۋەزوۆ اۋدانى ۇيىمداستىرعان شارادا مەكتەپ وقۋشىلارىنىڭ كونسەرتتىك نومەرلەرىمەن باستالعان بولاتىن. سوڭىندا بالالاردىڭ قورشاعان ورتانى قورعاۋ ماقساتىنداعى ءىس-قيمىلدارىنا قولداۋ كورسەتۋ ماقساتىندا قازاقتىڭ اياۋلى انشىلەرىنىڭ ءبىرى، قازاقستاننىڭ ەڭبەك سىڭىرگە قايراتكەرى توقتار سەرىكوۆ ءان تارتۋىن ۇسىندى.
اۋەزوۆ اۋدانى اكىمىنىڭ ورىنباسارى بانۋ ماناپوۆا اكسياعا قاتىسىپ جاتقان بالالارعا ءوز راحمەتىن ايتتى.
«اۋدانىمىزدان 200-دەن استام بالا قاتىسىپ جاتقان بۇگىنگى شارانى “جۇرەك جىلۋى” دەپ اتاعاندى ءجون كوردىك. كوىپ وتىرسىزدار بالالار ەرىكتى تۇردە اكسياعا اسا ىنتالى قاتىسىپ جاتىر. ولار وزدەرىنىڭ تازا جۇرەكتەرىنىڭ جىلۋى ىسپەتتى ءوز قولدارىمەن جاساعان قۇس ۇيالارىن ساياباقتار مەن اۋلالارعا، جول شەتىندەگى اعاشتارعا ورناتاتىن بولادى. سول ارقىلى جاس جەتكىنشەكتەر قورشاعان ورتانى ايالاپ قورعاۋعا وزدەرىنىڭ ءبىر كىسىلىك ۇلەستەرىن قوسىپ جاتىر»، – دەيدى بانۋ باقداۋلەت قىزى.