اقپاراتقا سايكەس، 9 ساۋىردەگى جاعداي بويىنشا:
باعا ءوستى:
- ءبىرىنشى سۇرىپتى ۇن – 0،9%-عا،
- سارى ماي – 0،3%-عا،
- تاۋىق ەتى (سان ەتى) – 0،5%-عا،
- ءسابىز – 1،4%-عا،
- قانت – 1،1%-عا،
- تۇز – 0،1%-عا.
ارزاندادى:
- ماكارون ونىمدەرى – 0،2%-عا،
- كۇرىش – 0،4%-عا،
- قاراقۇمىق – 1،2%-عا،
- كۇنباعىس مايى – 0،1%-عا،
- جۇمىرتقا - 0،5%،
- كارتوپ – 0،5%-عا،
- پياز – 5،3%-عا،
- قىرىققابات – 0،8%-عا.
باعالار وزگەرگەن جوق:
- نان،
- ەت،
- ءسۇت،
- ايران (2،5%)،
- سۇزبە.
9 ساۋىردەگى جاعداي بويىنشا قازاقستانداعى الەۋمەتتىك ماڭىزى بار ازىق-تۇلىك تاۋارلارىنىڭ (ءاتو) كەيبىر تاۋارلارىنىڭ ورتاشا باعاسى:
- سارى ماي – 4064 تەڭگە/كگ،
- سۇزبە – 2161 تەڭگە/كگ،
- قىرىققابات – 151 تەڭگە/كگ.
"الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى وتكەن اپتادا 0،1%-عا تومەندەپ، جىلدىق ماندە 0،6%-عا ءوستى"، دەپ جازدى ۇلتتىق ستاتيستيكا باسقارماسى
الەۋمەتتىك ماڭىزى بار ازىق-تۇلىك تاۋارلارىنىڭ تىزىمىندە 19 اتاۋ بار. باعا مونيتورينگى اپتا سايىن جۇرگىزىلەدى. باعالاردىڭ وزگەرۋى تۋرالى اقپارات بارلىق وبلىس ورتالىقتارىندا، رەسپۋبليكالىق ماڭىزى بار قالالار مەن استانادا جيناقتالعان.
وسى ماقساتتا ەلدى مەكەننىڭ ءارتۇرلى بولىكتەرىندە ورنالاسقان تاۋارلاردىڭ كەڭ اسسورتيمەنتى بار ءارتۇرلى تيپتەگى ساۋدا نىساندارى (گيپەرماركەتتەر، سۋپەرماركەتتەر، دۇكەندەر، كوممۋنالدىق بازارلار، الەۋمەتتىك دۇكەندەر جانە پاۆيلوندار) تاڭدالادى.
ءبىر كۇن بۇرىن، 11 ساۋىردە ق ر ساۋدا جانە ينتەگراسيا مينيسترلىگى (متي) ەلدەگى قاتتى سۋ تاسقىنى كەزىندە كاسىپكەرلەردىڭ ازىق-تۇلىك باعاسىن شارىقتاتىپ جىبەرگەنىن حابارلادى. ولارعا 46 اكىمشىلىك قاۋلى شىعارىلدى، ونىڭ ىشىندە التى ايىپپۇل سالىنىپ، 40 ەسكەرتۋ جاسالدى.