جاس قازاقستاندىقتار كوبىنەسە ويىن-ساۋىق ۆيدەولارىن كورەدى، وينايدى، وقيدى جانە دوستارىمەن حات جازىسادى.
«كاسپەرسكيي زەرتحاناسىنىڭ» 2022 جىلدىڭ ءبىرىنشى توقسانىنداعى زەرتتەۋىنىڭ ناتيجەسى بويىنشا، قازاقستاندا بالالار YouTube جەلىسىن ءجيى قولدانادى، دەپ حابارلايدى Almaty-akshamy.kz
كومپانيا تاراتقان مالىمەتكە سايكەس، بۇگىندە بالالار اراسىندا كەڭىنەن تانىمال 10 قوسىمشا بار. ءۇش ايدىڭ ىشىندە بارلىق ۋاقىتتىڭ 30 پايىزى YouTube-كە كەتكەن. ودان كەيىنگى ورىنداردا WhatsApp (18%) پەن TikTok (17%) تۇر.
الداعى ۋاقىتتا بالالار ينتەرنەتتە ودان دا كوپ وتىرادى. سەبەبى جازعى ۋاقىتتا ترافيك كوبەيەدى. بالالار ويىن-ساۋىق ۆيدەولارىن كورەدى، وينايدى، وقيدى جانە دوستارىمەن حات جازىسادى. وسىعان بايلانىستى «كاسپەرسكيي زەرتحاناسى» بالالالاردىڭ ونلاين قاۋىپسىزدىگىن قامتاماسىز ەتۋگە كەڭەس بەرىپ وتىر. بۇگىندە ارنايى تەحنيكالىق قۇرالداردىڭ ارقاسىندا بالانىڭ ينتەرنەتتە قانشا ۋاقىت وتىرعانىن ءبىلىپ وتىرۋعا بولادى. سونداي-اق قاجەتسىز كونتەنتكە شەكتەۋ قويۋعا مۇمكىندىك بار.
«ال بالا قالادا جالعىز ءوزى جۇرسە، گەولوكاسيانىڭ كومەگىمەن جۇرگەن جەرىن باقىلاپ وتىرۋعا بولادى»، - دەيدى ماماندار.
ايتا كەتەرى، بۇعان دەيىن قازاقستاندا TikTok قولدانۋشىلارىنىڭ سانى 7 ميلليون ادامنان استى دەگەن اقپارات تارادى.