2024 جىلدىڭ 1 توقسانىندا كاسىپكەرلەر «Almaty» مقۇ-دان 1،3 ملرد تەڭگەگە نەسيە الدى
Almaty Finance ەنشىلەس ۇيىمى (الماتى اكك كومپانيالار توبىنا كىرەدى) «Almaty» مقۇ ميكرو جانە شاعىن بيزنەستى دامىتۋعا 1،3 ملرد تەڭگەدەن استام قاراجات بەردى. بۇل وتكەن جىلدىڭ سايكەس كەزەڭىمەن سالىستىرعاندا 1،5 ەسە كوپ، دەپ حابارلايدى اlmaty-akshamy.kz.
ءۇش ايدىڭ ىشىندە مقۇ 36 جەرگىلىكتى جوبانى قارجىلاندىردى. نەسيەلەۋدىڭ ماقساتى – جابدىقتار، شيكىزات ساتىپ الۋ، اينالىم قاراجاتىن تولىقتىرۋ، بيزنەستىڭ باسقا دا قاجەتتىلىكتەرىن جابۋ.
كاسىپكەرلەر ەڭ كوبى ءوندىرىس جانە قايتا وڭدەۋ سالاسىنان – بارلىق كولەمنىڭ 22%، ەكىنشى ورىندا – دەنساۋلىق ساقتاۋ (19%)، ءۇشىنشى ورىندا ءبىلىم بەرۋگە (19%) قارىز الدى. بۇدان كەيىن الەۋمەتتىك كاسىپكەرلەردى قولداۋ (12%)، كرەاتيۆتى ەكونوميكا (10%) جانە تۋريزم (6%). سونداي-اق سپورت، ساۋدا جانە حالىققا قىزمەت كورسەتۋ سالالارىنداعى جوبالار قارجىلاندىرۋمەن قامتاماسىز ەتىلدى.
ساناتقا بايلانىستى بيزنەستى دامىتۋعا قارىز الۋشىلار 2%* جانە 6%* مولشەرلەمە بويىنشا كەپىل نەسيەسىن نەمەسە 12%* بويىنشا كەپىلسىز نەسيە الا الادى. قارىزدىڭ ەڭ جوعارى سوماسى – 73 840 000 تەڭگە.
«2019 جىلى قۇرىلعان ساتتەن باستاپ مقۇ الماتىدا 520-دان استام ميكرو جانە شاعىن كاسىپكەرلىك جوبالارىن جۇزەگە اسىرۋعا كومەكتەستى. وسى ۋاقىت ىشىندە قارجىلاندىرۋدىڭ جالپى سوماسى 11،2 ملرد تەڭگەدەن استى. مەملەكەتتىك قولداۋدىڭ ارقاسىندا كاسىپكەرلەر بيزنەستى ءتيىمدى شارتتارمەن دامىتىپ قانا قويماي، قالادا جاڭا جۇمىس ورىندارىن اشۋدا»، – دەپ اتاپ ءوتتى «Almaty» مقۇ باسقارما ءتوراعاسى التاي يسماعامبەتوۆ.
ەستەرىڭىزگە سالا كەتەيىك، مقۇ نەسيەلەۋ باعدارلاماسى «Almaty Business-2025» وڭىرلىك كاسىپكەرلىكتى دامىتۋ باعدارلاماسى اياسىندا جۇزەگە اسىرىلۋدا.
«Almaty» مقۇ تۋرالى تولىعىراق +7 (727) 390 80 42 ءنومىرى بويىنشا نەمەسە https://mfoalmaty.kz / سايتىنان ءبىلىڭىز.
*جىلدىق ءتيىمدى سىياقى مولشەرلەمەسى جەكە ەسەپتەلەدى جانە 13%-دان اسپايدى