الماتىدا جوعارى سىنىپ وقۋشىلارى قۇقىقتىق تاربيە ساعاتىنا قاتىستى

ماسەلە قالاداعى جالپى ءبىلىم بەرەتىن مەكتەپتەردىڭ 7-11 سىنىپ وقۋشىلارى تۋرالى بولىپ وتىر.

ءبىلىم كۇنىندە الماتىدا جوعارى سىنىپ وقۋشىلارىنا قۇقىقتىق تاربيە بەرۋ باعدارلاماسى ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ىشكى ىستەر مينيسترلىگى مەن كامەلەتكە تولماعانداردىڭ قۇقىقتارىن قورعاۋ مينيسترلىگىنىڭ بىرلەسكەن وتىرىسىندا ءىىم باسشىسى مارات احمەتجانوۆ ەلىمىزدىڭ بارلىق جالپى ءبىلىم بەرەتىن مەكتەپتەرىندە “قۇقىقتىق جالپىعا بىردەي ءبىلىم بەرۋ” جۇمىستارىن جۇرگىزۋدى تاپسىردى. ءىىو تەرگەۋ بولىمشەلەرىنىڭ قىزمەتكەرلەرى جاسوسپىرىمدەرگە قىلمىستىڭ قۇربانى بولعان جاعدايدا نە ىستەۋ كەرەكتىگى، ەسىرتكى قىلمىسىنا قارسى كۇرەس، سونداي-اق، كامەلەتكە تولماعانداردى قىلمىستىق جاۋاپكەرشىلىككە تارتۋ جاسىن رەتتەيتىن زاڭنامالىق نورمالار تۋرالى ءدارىس وقىدى»، – دەپ ەسكە سالدى الماتى قالالىق پد تەرگەۋ باسقارماسىنىڭ باستىعى مۇحامەدالى سەيسەن ۇلى.

الماتى پوليسياسى قىلمىستىڭ قۇربانى بولماۋ ءۇشىن كەلەسى ساقتىق شارالارىن قولدانۋدى ۇسىنادى:

– قايدا بارا جاتقانىڭىزدى ءارقاشان اتا-اناڭىزعا جانە دوستارىڭىزعا حابارلاڭىز؛

– بەيتانىس ادامداردان سىيلىق الماڭىز؛

– ەگەر بىرەۋ سىزگە ەرىپ ءجۇرۋدى ۇسىنسا نەمەسە ول ءسىزدى ءبىر جەرگە شاقىرسا، اتا-اناڭىزدان رۇقسات الىڭىز؛

– بەيتانىس ادامدارعا ەسىك اشپاڭىز، ولاردىڭ سۇراقتارىنا جاۋاپ بەرمەڭىز؛

– بەيتانىس اداممەن كىرەبەرىسكە كىرمەڭىز.