ۆاكسيناسيادان باس تارتۋ الماتىدا بالالار اراسىندا قىزىلشانىڭ ورشۋىنە الىپ كەلدى
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە سانيتارلىق دارىگەرلەر مەن ەپيدەميولوگتار مالىمدەدى. الماتىدا بالالاردىڭ قىزىلشامەن سىرقاتتانۋشىلىعىنىڭ ءوسۋى تىركەلدى، بۇل اتا-انالاردىڭ بالانى ۆاكسيناسيالاۋدان باس تارتۋىمەن تۇسىندىرىلەدى، دەپ حابارلايدى almaty-akshamy.kz
ەپيدەميولوگيالىق جاعداي تۋرالى الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى قاسىمحان الپىسباي ۇلى ايتىپ بەردى.
سانيتاريالىق-ەپيدەميولوگيالىق دەپارتامەنتتىڭ ستاتيستيكاسى بويىنشا الماتىدا قىزىلشانىڭ 2771 زەرتحانالىق راستالعان جاعدايى تىركەلگەن، ونىڭ ىشىندە 14 جاسقا دەيىنگى بالالار اراسىندا 2170 جاعداي، 15 پەن 18 جاس ارالىعىنداعى جاسوسپىرىمدەر اراسىندا 113 جاعداي جانە ەرەسەكتەردىڭ 488 جۇقتىرۋ فاكتىسى.
اتا-انالارى ۆاكسيناسيادان باس تارتقاندىقتان، اۋرۋعا شالدىققاندار اراسىندا ەكپە الماعان بالالار كوپ. قىزىلشاعا قارسى ەكپەسى جوق 2054 بالا تىركەلدى، ونىڭ ىشىندە ۆاكسيناسيادان باس تارتۋ سەبەبىنەن – 1466، مەديسينالىق قارسى كورسەتىلىمدەر – 289، 292 جاعدايدا جۇقتىرعاندار ەگۋ جاسىنا جەتپەگەن جانە وزگە سەبەپتەرمەن ەگىلمەگەندەر – التاۋ.
الماتىنىڭ باس سانيتار دارىگەرى قاسىمحان الپىسباي ۇلى 14 جاسقا دەيىنگى ناۋقاستاردىڭ ستاتيستيكاسىن كەلتىردى.1 جاستان 5 جاسقا دەيىنگى بالالار اراسىندا 1385ء-ى جۇقتىرعان، 6 جاستان 9 جاسقا دەيىن – 352 بالا اۋىرعان، 1 جاسقا دەيىنگى بالالاردى جۇقتىرۋدىڭ تاعى 292 جاعدايى، 10 جاستان 14 جاسقا دەيىنگى بالالار-141 جاعداي انىقتالعان.
ەرەسەكتەر اراسىندا اۋرۋ 19 جاستان 34 جاسقا دەيىنگى جاس توبىندا باسىم-312 جاعداي، 35 جاستان جوعارى-176 جاعداي.
«وشاقتاردا ناۋقاسپەن بايلانىس جاساعان 19 092 ادام انىقتالدى، ولاردىڭ بارلىعىنا ينكۋباسيالىق كەزەڭ ىشىندە (12 كۇن) مەديسينالىق باقىلاۋ ورناتىلدى. ەپيدەميولوگيالىق كورسەتكىشتەر بويىنشا 30 جاسقا دەيىنگى 488 ادام قىزىلشاعا قارسى ەگىلدى»، - دەپ تولىقتىردى سپيكەر.
الماتىنىڭ باس سانيتارلىق دارىگەرى قىزىلشا بويىنشا جاعدايدى تۇراقتاندىرۋ شارالارى تۋرالى حابارلادى. مەكتەپكە دەيىنگى مەكەمەلەر مەن مەكتەپتەردە بالالاردىڭ تاڭەرتەڭگى جانە اۋىسىمدىق سۇزگىسى، اۋرۋ بەلگىلەرى بار ادامداردى انىقتاۋ جانە ولاردى تۇرعىلىقتى جەرى بويىنشا مەديسينالىق ۇيىمدارعا جىبەرۋ جۇرگىزىلەدى. قىزىلشا جۇقتىرۋ جاعدايلارىن تىركەۋ كەزىندە كابينەتتىك وقىتۋ جۇيەسى جويىلادى، بالالاردىڭ ءبىر توپتان/سىنىپتان باسقا توپقا/سىنىپقا اۋىستىرۋعا جول بەرىلمەيدى، سونداي-اق قىزىلشاعا قارسى ەگىلمەگەن بايلانىسقان بالالاردى اجىراتۋ جۇرگىزىلەدى، مادەني-بۇقارالىق ءىس-شارالار وتكىزۋگە جول بەرىلمەيدى.
سونىمەن قاتار، 18 جاسقا دەيىنگى بالالارعا ۆاكسيناسيا جۇرگىزىلۋدە. ماسەلەن، 2023 جىلدىڭ ناۋرىز - ءساۋىر ايلارىندا ۇلتتىق ەگۋ كۇنتىزبەسىنە سايكەس بۇرىن ەگىلمەگەن 13 324 بالا قىزىلشاعا، قىزامىققا، پاروتيتكە قارسى يممۋنداۋمەن قامتىلدى. قازىرگى ۋاقىتتا ۆاكسيناسيامەن 13 989 بالا قامتىلعان.