الماتى قالاسىنىڭ وكق بريفينگىندە الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا قىزىلشاعا، قىزامىققا جانە پاروتيتكە قارسى قوسىمشا جاپپاي يممۋنداۋعا جاتاتىن حالىقتىڭ ساناتتارى تۋرالى ايتتى، دەپ حابارلايدى Almaty-akshamy.kz.
«قىزىلشاعا قارسى سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى جۇرگىزۋ تۋرالى» قازاقستان رەسپۋبليكاسى باس مەملەكەتتىك سانيتاريالىق دارىگەرىنىڭ 01.11.2023 ج. №7 قاۋلىسىنا سايكەس قىزىلشاعا، قىزامىققا جانە پاروتيتكە قارسى قوسىمشا جاپپاي يممۋنداۋ:
بالالارعا 6 ايدان 10 اي 29 كۇنگە دەيىن،
قىزىلشاعا قارسى ەگۋ مارتەبەسىنە قاراماستان 2 جاستان 4 جاس 11 اي 29 كۇنگە دەيىن،
قىزىلشاعا قارسى پروفيلاكتيكالىق يممۋنيزاسياسى جوق مەديسينا قىزمەتكەرلەرى مەن دەنساۋلىق ساقتاۋ ۇيىمدارىنىڭ قىزمەتكەرلەرىنە ەگىلۋى ءتيىس.
قالادا 6 ايدان 10 ايعا دەيىنگى بالالارعا ارنالعان قىزىلشاعا قارسى ۆاكسينانىڭ قالدىعىن ەسكەرە وتىرىپ، 10 قاراشادان باستاپ يممۋنداۋ باستالدى جانە قىزىلشامەن سىرقاتتانۋشىلىق بويىنشا ەپيدەميولوگيالىق جاعداي تۇراقتانعانعا دەيىن جالعاساتىن بولادى.
10-28 قاراشا ارالىعىندا قىزىلشاعا قارسى قوسىمشا يممۋنداۋمەن 5 757 بالا قامتىلدى. بۇرىن ۆاكسيناسيالانباعان 18 جاسقا دەيىنگى بالالاردى يممۋنداۋ 2023 جىلعى 5 جەلتوقساننان باستاپ جۇرگىزىلەدى.
قىزىلشاعا قارسى جوسپارلى ۆاكسيناسيا ەكى رەت جۇرگىزىلەدى، ءبىرىنشىسى-1 جاستا (12-15 اي)، ەكىنشىسى - 6 جاستا، بۇل ۆاكسيناسيادان كەيىنگى يممۋنيتەتتى دامىتۋعا مۇمكىندىك بەرەدى. قىزىلشاعا قارسى ۆاكسينانىڭ ءاربىر دوزاسى بالانىڭ يممۋنيتەتىن كۇشەيتەدى.
پروفيلاكتيكالىق ەگۋلەر تۇرعىلىقتى جەرى بويىنشا اۋماقتىق ەمحانالاردىڭ ەگۋ كابينەتتەرىندە جۇرگىزىلەدى.
اسەل قالىقوۆا قىزىلشانى جۇقتىرۋدىڭ الدىن الاتىن جالعىز ءتيىمدى قۇرال تەك ۆاكسيناسيا ەكەنىن اتاپ ءوتتى.
قازاقستاندا ۆاكسيناسيا جۇرگىزۋ ءۇشىن ددۇ سەرتيفيكاتتاعان جانە قازاقستان رەسپۋبليكاسىندا تىركەلگەن ءۇندىستان (Serum Institute of India Ltd) وندىرگەن قىزىلشاعا، قىزامىققا، ەپيدەميالىق پاروتيتكە قارسى ارالاس ۆاكسينا قولدانىلادى.
Serum Institute of India Ltd ۆاكسيناسى الەمنىڭ 110-نان استام ەلىندە، سونىڭ ىشىندە ەۋروپا ەلدەرىندە قولدانىلادى.
تىركەۋ كەزەڭىندە قاتاڭ باقىلاۋدان باسقا، قازاقستانعا اكەلىنەتىن ۆاكسينالاردىڭ ءاربىر پارتياسى (ءاربىر سەرياسى) قاۋىپسىزدىك پەن ساپاعا قايتا باقىلاۋدان وتەدى.
قازىرگى ۋاقىتتا قالادا ءتيىستى كونتينگەنتتەردىڭ قىزىلشاسىنا قارسى جۇرگىزۋ جانە نىسانالى توپتاعى بالالاردى جوسپارلى يممۋنداۋدى جالعاستىرۋ ءۇشىن جەتكىلىكتى كولەمدە (29.11.2023 ج.83 315 دوزا) قىزىلشاعا قارسى ۆاكسينا بار. جەلتوقسان ايىندا 95 200 دوزا كولەمىندە قىزىلشاعا قارسى ۆاكسينا جەتكىزىلەدى دەپ كۇتىلۋدە.