سكانديناۆيا تۇبەگىندەگى فينليانديا بيلىگى، دالىرەگى، اتالعان ەلدىڭ ادىلەت مينيسترلىگىندە جاساقتالعان ادامنىڭ ءاتى-جونىن رەتكە كەلتىرۋ جونىندەگى ارنايى كوميسسيا بالاعا بەي-بەرەكەت ەسىم قويۋعا تىيىم سالاتىن ەرەجە قابىلدادى.
بۇل جايىندا islam.kz پورتالى euro-pulse اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
اتالمىش ەرەجە تالاپتارى بويىنشا اتا-انا بالاسىنا ات تاڭداعاندا قانداي دا ءبىر پايعامداردىڭ (ماسەلەن، يسسۋس) نەمەسە ۆولان سەكىلدى دىنگە قاتىسى بار كەيىپكەرلەر مەن تۇلعالاردىڭ يا بولماسا ءدىني ماتىندەردە كەزدەسەتىن جاراتىلىستاردىڭ (ماسەلەن، ءىبىلىس، ت.ب.) اتتاردى قويۋعا، سونداي-اق، قانداي دا ءبىر زاتتىڭ نەمەسە بۇيىمنىڭ اتاۋىن بالاعا تاڭۋعا (ماسەلەن، بالعا نەمەسە بالتا)، سونىمەن قاتار، ادامدى قورلاۋى مۇمكىن، بالانىڭ بولاشاعىنا زيانىن تييگىزۋى مۇمكىن اتتاردى قويۋعا تىيىم سالىنعان. بۇدان بولەك، ادامنىڭ اتى-جونىنە قاتىستى زاڭ بويىنشا ۇل بالالاردى ايەلگە ءتان ەسىممەن اتاۋعا نەمەسە قىزداردى ەرلەرگە ءتان ەسىمدەرمەن اتاۋعا تىيىم سالىنادى. بۇعان قوسا، اكەسىنىڭ ەسىمىمەن بالانى اتاۋعا تىيىم سالىنعان (ماسەلەن، اسقار ۇلى اسقار)، ياعني، بىردەي قايتالانعان اتتارعا تىيىم سالىنادى.