تاشكەنتتە Abai Uii مادەني-ىسكەرلىك ءۇيى بار.
تاشكەنتتە وتكەن وزبەكستانداعى قازاق مادەني ورتالىقتارىنىڭ وكىلدەرىمەن كەزدەسۋ بارىسىندا اقپارات جانە قوعامدىق دامۋ ءمينيسترى ايدا بالايەۆا مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا كوشى-قون ساياساتىنىڭ جاڭا تۇجىرىمداماسىن ازىرلەۋگە باستاما بەرگەنىن، سونداي-اق جالپى تاريحي وتانىنا كەلەتىن قانداستاردىڭ بەيىمدەلۋىنە جاردەمدەسۋگە قابىلەتتى سۇراقتار وزەكتەندىرىلگەنىن ايتتى، دەپ حابارلايدى اlmaty-akshamy.kz Baq.kz-كە سىلتەمە جاساپ.
كەزدەسۋدە ايدا بالايەۆا وسىدان بۇرىن قانداستارعا قازاقستان ازاماتتىعىن الۋ بويىنشا ءتيىستى قۇجاتتاردى بەرۋ، قانداستار قاتارىنداعى جاستار ءۇشىن قازاقستاننىڭ جوعارى وقۋ ورىندارىندا بەرىلەتىن كۆوتالار تۋرالى مەملەكەتتىك قىزمەتتەر كورسەتۋ ءراسىمى مەن مەرزىمدەرى ايتارلىقتاي جەڭىلدەتىلگەنىن اتاپ ءوتتى.
سونىمەن قاتار ول قازاق حالقىنىڭ مادەنيەتى مەن ءتىلىن ساقتاۋدىڭ ماڭىزدىلىعىن ايتتى.
ەسكە سالا كەتەيىك، وزبەكستاندا الەمدەگى ءىرى قازاق قاۋىمداستىقتارىنىڭ ءبىرى تۇرىپ جاتىر جانە وتكەن جىلى قازاقستاننىڭ اقپارات جانە قوعامدىق دامۋ، سىرتقى ىستەر مينيسترلىكتەرىنىڭ قولداۋىمەن وسى ەلدىڭ استاناسى تاشكەنتتە Abai Uii مادەني-ىسكەرلىك ءۇيى اشىلدى.
مينيسترمەن كەزدەسۋگە وزبەكستان قازاق جۇرتشىلىعىنىڭ كورنەكتى وكىلدەرى، ونىڭ ىشىندە رەسپۋبليكالىق قازاق ۇلتتىق مادەني ورتالىعىنىڭ ءتوراعاسى س.ۇسەنوۆ، اكادەميك، پروفەسسور ق.سەيدانوۆ جانە باسقالار قاتىستى.