ۇيىمداردىڭ ەرەجەلەرگە سايكەستىگىن تەكسەرۋ شارالارى ازىرلەنىپ جاتىر.
وقۋ-اعارتۋ مينيسترلىگى پەتروپاۆلداعى مەكتەپتە بولعان توتەنشە جاعدايدان كەيىن قازاقستاننىڭ بارلىق بالاباقشالارىندا بەينەباقىلاۋ كامەرالارى تەكسەرىلەتىنىن مالىمدەدى، - دەپ حابارلايدى Almaty-akshamy.kz
وقۋ-اعارتۋ مينيسترلىگى مەكتەپكە دەيىنگى ءبىلىم دەپارتامەنتىنىڭ ديرەكتورى ناتاليا جۇمادىلدايەۆا مينيسترلىك بەينەباقىلاۋ كامەرالارى مەن بالالاردى قورعاۋدىڭ باسقا دا قۇرالدارى جوق مەكتەپكە دەيىنگى ۇيىمداردى انىقتايتىنىن، ءمينيستردىڭ بەرگەن بۇيرىعىندا بەينەباقىلاۋ كامەرالارىنىڭ ۇلگىسى قانداي بولۋى كەرەك دەگەن تالاپتاردىڭ بارلىعى كورسەتىلگەنىن ايتتى.
"وكىنىشكە قاراي، بۇگىنگى كۇنى بۇل تالاپتاردى بارلىق ۇيىمدار ورىنداي بەرمەيدى. ارينە، مەكتەپكە دەيىنگى ۇيىمدا جۇمىس ىستەيتىندەردىڭ بارلىعى وسى تەكسەرىستەن كەيىن ساباق الادى. باقىلاۋ ماسەلەسىنە كەلسەك، ءبىزدىڭ تاراپىمىزدان بارلىق مەكتەپكە دەيىنگى ۇيىمداردىڭ بارلىق ەرەجەلەرگە سايكەستىگىن تەكسەرۋ شارالارى ازىرلەنىپ جاتىر"، - دەدى جۇمادىلدايەۆا.
ونىڭ ايتۋىنشا، بەينەباقىلاۋ كامەرالارى جوق ۇيىمدار انىقتالعاننان كەيىن ءاربىر ۇيىمنىڭ بالالاردى ءقاۋىپسىز كۇتىپ-باپتاۋىن قامتاماسىز ەتۋ شارالارى ازىرلەنەتىن بولادى.
"ءبىز مەكتەپكە دەيىنگى ۇيىمداردىڭ بولىمدەرىنە جانە مەنشىك تۇرىنە قاراماستان بارلىق تالاپتارىنىڭ ورىندالۋىن تالاپ ەتەمىز. ويتكەنى اڭگىمە بالالاردىڭ قاۋىپسىزدىگى، ءومىرى تۋرالى بولىپ وتىر"، - دەپ جاۋاپ بەردى ول.