مادەنيەت جانە سپورت مينيسترلىگى ءباسپاسوزى ەلىمىزدە قانشا كىتاپحانا بار ەكەنىن ايتتى، دەپ حابارلايدى Almaty-akshamy.kz.
كىتاپحانا تەك كىتاپ سورەسىن تولتىراتىن ەمەس، وقىرماننىڭ ورتاسىن قالىپتاستىراتىن ورىن بولۋى كەرەك.
قازىرگى كەزدە كىتاپحانالار جۇمىسى جاندانىپ، زامان تالابىنا ساي سيفرلىق تۇردە دامىپ كەلەدى. كىتاپ سۇيەر قاۋىمعا جاعداي جاسالىپ، ءتۇرلى كوۆوركينگ ورتالىقتارى اشىلىپ جاتقانى دا قۋانتادى. وندا كىتاپ وقىپ، جۇمىس ىستەۋ وتە ىڭعايلى. وقىرمان تارتۋ، ادامداردىڭ كىتاپقا دەگەن قىزىعۋشىلىعىن وياتۋ - كىتاپحانانىڭ نەگىزگى قىزمەتتەرىنىڭ ءبىرى.
مادەنيەت جانە سپورت مينيسترلىگىنىڭ باسپا ءسوز قىزمەتى ۇسىنعان دەرەككە سايكەس، ءقازىر قازاقستاندا 3920 كىتاپحانا جۇمىس ىستەپ تۇر.