الماتىنىڭ بوستاندىق اۋدانىندا كۇردەلى جوندەۋدەن كەيىن 280 ورىندىق مەملەكەتتىك بالاباقشا اشىلدى، دەپ حابارلايدى almaty-akshamy.kz
بوستاندىق اۋدانىندا №113 مەملەكەتتىك بالاباقشا كۇردەلى جوندەۋدەن كەيىن ءوز ەسىگىن اشتى. جوندەۋ جۇمىستارى 2021 جىلدىڭ قىركۇيەگىندە باستالدى، ولاردى «SKS ينجينيرينگ» ج ش س مەردىگەرلىك ۇيىمى جۇرگىزدى. ايتا كەتەرلىگى، جوندەۋ مەرزىمى مەردىگەردىڭ مىندەتتەمەلەردى ۋاقتىلى ورىنداماۋىنا بايلانىستى ۇزاردى، ناتيجەسىندە سوت تارتىبىمەن وعان ايىپپۇل سالىندى.
بۇگىنگى تاڭدا بالاباقشا عيماراتىنىڭ شاتىرى مەن قاسبەتى تولىعىمەن جوندەلدى، ىشكى بولمەلەردە دە جوندەۋ جۇمىستارى جۇرگىزىلدى. عيماراتتا تەرەزە جانە ەسىك بلوكتارى، ەلەكترمەن جابدىقتاۋ، جىلىتۋ، سۋمەن جابدىقتاۋ جانە سۋ بۇرۋ جۇيەسى اۋىستىرىلدى، ءۇي-جايلاردى ارلەۋ جۇرگىزىلدى، قاسبەتى وقشاۋلانعان جانە قاپتالعان. بەينەباقىلاۋ، باقشا اۋماعىن جارىقتاندىرۋ ورناتىلدى. عيمارات تەك سىرتىنان عانا ەمەس، ىشىنەن دە تولىق وزگەردى.
بۇگىنگى تاڭدا نىسان بالالاردى ساپالى مەكتەپكە دەيىنگى ءبىلىم بەرۋمەن قامتاماسىز ەتۋ ءۇشىن بارلىق قاجەتتى جابدىقتارمەن جابدىقتالعان. 2023 جىلدىڭ 25 جەلتوقسانىنان باستاپ بالالاردى قابىلداۋ باستالدى.
بالاباقشادا بارلىعى 12 توپ جۇمىس ىستەيدى. ورىندار سانى 280 تاربيەلەنۋشىگە ارنالعان جانە قازىرگى ۋاقىتتا بالاباقشا جارتىسىنا تولدى. بالالاردى بالاباقشاعا قابىلداۋ بالاباقشا تولىق تولتىرىلعانعا دەيىن ۆalabagsha bilimalmaty سايتى ارقىلى جۇزەگە اسىرىلادى.
ايتا كەتەرلىگى، 2023 جىلى الماتىدا تاعى 3 مەملەكەتتىك بالاباقشادا كۇردەلى جوندەۋ جۇمىستارى باستالدى – №70، №163، №168. بۇل رەتتە تۇركسىب اۋدانىندا ورنالاسقان №70 مەملەكەتتىك ارنايى بوبەكجاي-باقشاسىن جوندەۋ اياقتالدى جانە جاقىن ارادا ول پايدالانۋعا بەرىلەدى. №163 جانە №168 بالاباقشالاردى 2024 جىلدىڭ سوڭىنا دەيىن جوندەۋ جوسپارلانۋدا.
سونداي اق 2024 جىلى تاعى 6 بالاباقشا عيماراتتارىنا كۇردەلى جوندەۋ جۇرگىزۋ جوسپارلانۋدا: №37، №153، №20، №10، №137 جانە №158.
سونىمەن قاتار، قالادا «اقجار»، «التىن بەسىك» جانە «جاس قانات» شاعىن اۋداندارىندا 700 ورىندىق ءۇش جاڭا بالاباقشا سالىنۋدا. ولاردى اعىمداعى جىلدىڭ 2-توقسانىندا اياقتاۋ جوسپارلانۋدا. بۇل بۇگىنگى تاڭدا بوستاندىق اۋدانىندا 2300 ورىندى قۇرايتىن مەكتەپكە دەيىنگى ءبىلىم بەرۋ ۇيىمدارىندا ورىن تاپشىلىعىن ازايتۋعا كومەكتەسەدى.
ەسكە سالساق، 2023 جىلى مەكتەپكە دەيىنگى ءبىلىم بەرۋ سالاسىندا 5905 ورىندىق 85 جاڭا مەكتەپكە دەيىنگى ۇيىم اشىلدى. ولاردىڭ ىشىندە 290 ورىندىق ءبىر مەملەكەتتىك بالاباقشا جانە 5615 ورىندىق 84 جەكە بالاباقشا بار.