سەنات وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرگە بايلانىس، سيفرلاندىرۋ، ينۆەستيسيالىق احۋالدى جاقسارتۋ جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ماقۇلداندى، دەپ حابارلايدى اlmaty-akshamy.kz.
سەنات دەپۋتاتى باۋىرجان قانييەۆتىڭ سوزىنشە، زاڭ اياسىنداعى ءبىرقاتار تۇزەتۋ مەملەكەت باسشىسىنىڭ تاپسىرمالارىن ورىنداۋعا باعىتتالعان. زاڭمەن قازاقستان رەسپۋبليكاسىنىڭ 38 زاڭنامالىق اكتىسىنە، ونىڭ ىشىندە 9 كودەكس پەن 29 زاڭعا وزگەرىستەر مەن تۇزەتۋلەر ەنگىزىلگەن.
اتاپ ايتقاندا:
- بايلانىس وپەراتورلارىنىڭ بايلانىس ينفراقۇرىلىمىنا تەڭ قولجەتىمدىلىگىن قامتاماسىز ەتۋ؛
- ەلدى مەكەندەردىڭ باس جوسپارلارى مەن ەگجەي-تەگجەيلى جوسپارلاۋ جوبالارى شەڭبەرىندە بايلانىس جەلىلەرىن ورنالاستىرۋ ورىندارىن ايقىنداۋ؛
- اۋىل شارۋاشىلىعى جانە ونەركاسىپ وبەكتىلەرىندە سيفرلاندىرۋ كەزىندە شىعىستاردىڭ ءبىر بولىگىن وتەۋ بويىنشا بايلانىس قىزمەتتەرىن سۋبسيديالاۋ؛
- جاڭا تۋعان نارەستەلەردىڭ دەربەس دەرەكتەرىن جوعالتۋ تاۋەكەلدەرىن بولدىرماۋ ماقساتىندا بالا تۋعاننان كەيىن بىردەن جەكە سايكەستەندىرۋ نومىرلەرىن بەرۋ؛
- بايلانىس وپەراتورلارىنىڭ مۇگەدەكتىگى بار ادامدارعا جەڭىلدىكتى تاريفتەر بەرۋ جونىندەگى قوسىمشا مىندەتتەمەلەرىن بەلگىلەۋ؛
- الاياقتىق بەلگىلەرى بار تولەم ترانزاكسيالارى بويىنشا دەرەكتەر الماسۋ ءۇشىن انتيفرود-ورتالىقتىڭ قۇقىقتىق مارتەبەسى مەن فۋنكسيالارىن بەكىتۋ جانە تاعى باسقا بولىكتەرىندە وزگەرىستەر مەن تولىقتىرۋلار ەنگىزۋ كوزدەلەدى.
جەر قويناۋىن پايدالانۋشىلاردىڭ كەلىسىمشارتتار تالاپتارىن ساقتاۋىن باقىلاۋ ءۇشىن قاجەت عارىشتىق مونيتورينگ جۇيەسى ارقىلى ورمان قورىن قورعاۋ، ساقتاۋ، پايدالانۋ، ورمانداردى مولىقتىرۋ جانە ورمان ءوسىرۋ سالاسىنداعى زاڭنامانىڭ بۇزىلۋى تۋرالى اقپارات الۋ دا زاڭنىڭ اياسىندا قاراستىرىلعان. قاجەتتى ينفراقۇرىلىم قۇرىلىسىن جانە شۇعىل قىزمەتتەردىڭ جۇمىسىن جەدەلدەتۋ ماقساتىندا وبلىستىڭ، رەسپۋبليكالىق ماڭىزى بار قالانىڭ، استانانىڭ اكىمدىكتەرىنە بيۋدجەت قاراجاتى ەسەبىنەن تەلەكوممۋنيكاسيا جەلىلەرى مەن كابەلدىك كارىزدەردى تۇگەندەۋ بويىنشا قۇزىرەت بەرىلەتىن بولادى، - دەدى باۋىرجان قانييەۆ.
ونىڭ ايتۋىنشا، زاڭ ماقۇلدانعان سوڭ، بىرىنشىدەن، بايلانىس جەلىلەرىنىڭ قۇرىلىسى جەدەلدەتىلەدى. ەكىنشىدەن، بايلانىس قىزمەتتەرىنىڭ ساپاسى جاقسارادى، قامتۋ ايماقتارى كەڭەيەدى، ابونەنتتەر سانى ارتادى. ۇشىنشىدەن، بايلانىس وپەراتورلارى اراسىندا باسەكەلەستىك داميدى. تورتىنشىدەن، جاڭا سپۋتنيكتىك بايلانىس جۇمىس ىستەي باستايدى، بەسىنشىدەن، ينۆەستيسيالىق احۋال جاقسارىپ، ەكونوميكاداعى يننوۆاسيالاردىڭ ۇلەسى ارتادى.