«كۇشىمىز — بىرلىكتە».
وسىنداي تاقىرىپپەن «وركەن» بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى «قوعامدىق كەلىسىم» رمم-مەن بىرلەسىپ، ەلوردادا سەمينار وتكىزدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
«بالالار ومبۋدسمەندەرى بالالاردىڭ قوعام مەن مەملەكەت ومىرىنە تولىققاندى قاتىسۋ قۇقىعىن ىسكە اسىرۋعا ىقپال ەتەدى، بۇل ءاربىر مەكتەپ ومبۋدسمەنىنىڭ كامەلەتكە تولماعانداردىڭ قۇقىقتارى مەن مۇددەلەرىن قورعاۋعا قوسقان جەكە ۇلەسىنىڭ ماڭىزدىلىعىن كورسەتەدى. مەكتەپ ومبۋدسمەندەرى ءتىپتى ەڭ ەلەۋسىز ىس-ارەكەتتىڭ ۇلتتىق اۋقىمداعى ۇلكەن وزگەرىستەرگە اكەلۋى مۇمكىن ەكەنىن ءتۇسىنۋى كەرەك»، — دەيدى «وركەن» ءبااۇعپي پرەزيدەنتى ەسەنعازى يمانعالييەۆ.
سەميناردىڭ پراكتيكالىق ءبولىمى بارىسىندا «وركەن» ءبااۇعپي-دىڭ ترەنەرلەرى مەن عىلىمي قىزمەتكەرلەرى مەكتەپ ومبۋدسمەندەرىنىڭ كوممۋنيكاتيۆتىك داعدىلارىن دامىتۋ ماقساتىندا جاتتىعۋلار وتكىزدى.