پرەزيدەنت «تاتنەفت» جاق باس ديرەكتورى نايل ماگانوۆتى قابىلدادى، دەپ حابارلايدى اlmaty-akshamy.kz اقوردانىڭ باسپا ءسوز قىزمەتىنە سىلتەمە.
مەملەكەت باسشىسىنا قازاقستان رەسپۋبليكاسىندا بىرلەسكەن جوبالاردى جۇزەگە اسىرۋ پەرسپەكتيۆاسى تۋرالى مالىمەت بەرىلدى.
اتاپ ايتقاندا، «تاتنەفت» اتىراۋ وبلىسىندا بۋتاديەن جانە ودان ءونىم وندىرۋگە باعىتتالعان مۇناي-گاز حيمياسى سالاسىنداعى ستراتەگيالىق ينۆەستيسيالىق جوبانى جۇزەگە اسىرىپ جاتىر. اتالعان كاسىپورىن «قازمۇنايگاز» ۇلتتىق كومپانياسىمەن قازاقستاننىڭ باتىس وڭىرىندەگى كومىرسۋتەگى قورلارىن بارلاۋ جانە ءوندىرۋ جوبالارى اياسىندا ىنتىماقتاستىق ورناتقان. بۇدان بولەك، «تاتنەفت» قاتتى پايدالى قازبالار كەنىن بىرلەسە يگەرۋ ىسىنە اتسالىسىپ جاتىر.
قاسىم-جومارت توقايەۆ «تاتنەفت» كومپانياسىنىڭ قازاقستاندا مۇناي-گاز جانە تاۋ-كەن ونەركاسىبىن دامىتۋ جونىندەگى باستامالارىن جوعارى باعالاپ، اتالعان كاسىپورىن ەلىمىزدىڭ ەنەرگەتيكا سالاسىنداعى ستراتەگيالىق سەرىكتەستەردىڭ ءبىرى ەكەنىن اتاپ ءوتتى.