بالا قۇقىقتارى جونىندەگى ۋاكىل دينارا زاكييەۆا قونايەۆ قالاسىندا ەكى پوليسەي زورلاعان وقۋشىعا قاتىستى مالىمدەمە جاسادى.
«قونايەۆ قالاسىندا بولان كامەلەتكە تولماعان بالانىڭ جىنىستىق تيىسپەۋشىلىگىنە قارسى قىلمىسقا قاتىستى. قىز بالانىڭ تۋىستارىمەن بايلانىستامىن، بالامەن پسيحولوگتار جۇمىستى باستايدى دەپ كەلىستىك. تەرگەۋ شارالارى ءجۇرىپ جاتىر»، - دەپ جازدى ول.
ايتا كەتەيىك، بۇعان دەيىن الماتى وبلىسىندا وقۋشى قىزدى زورلاعان پوليسەيلەر قاماۋعا الىنعانى حابارلاندى. ولارعا كامەلەتتىك جاسقا تولماعان بالاعا قاتىستى قىلمىس جاسادى دەگەن ايىپ تاعىلعان.
قوس پوليسەيدى وزدەرىنىڭ ارىپتەستەرى ۇستاعان.
«بيىلعى 7 قاراشادا پوليسياعا الماتى وبلىسىنىڭ 43 جاستاعى تۇرعىنى كامەلەتكە تولماعان قىزىنا قاتىستى ەكى بەلگىسىز ادامنىڭ جىنىستىق سيپاتتاعى زورلىق-زومبىلىق جاساعانى تۋرالى ارىزداندى. سول كۇنى قىلمىستىق ءىس ق ر قىلمىستىق كودەكسىنىڭ 120-بابى 3-1-بولىگىنىڭ 1-تارماعى بويىنشا وبلىستىق پوليسيادا تىركەلدى»، - دەپ حابارلادى الماتى وبلىستىق پد باسپا ءسوز قىزمەتى.
جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى 2000 جانە 2001 جىلدارى تۋعان كۇدىكتىلەردىڭ جەكە باسىن انىقتاپ، ۇستاعان. تەرگەۋ ناتيجەلەرى بويىنشا ولار قاماۋقا الىندى.
«جاقىن ارادا سوتقا دەيىنگى تەرگەپ-تەكسەرۋ جۇرگىزۋ اياقتالىپ، قىلمىستىق ءىستىڭ ماتەريالدارى ءمانى بويىنشا قاراۋ ءۇشىن سوتقا جىبەرىلەتىن بولادى. ق ر قىجك 201-بابىنىڭ تالاپتارىنا سايكەس، وزگە اقپارات جاريا ەتۋگە جاتپايدى»، - دەلىنگەن ۆەدومستۆو اقپاراتىندا.