عالىمدار بۇل اۋرۋدىڭ كۇتپەگەن سەبەبىن انىقتادى.
Scientific Reports جۋرنالىنا اۋسترالياداعى گريففيت ۋنيۆەرسيتەتىنىڭ عالىمدارى باكتەريالاردىڭ مۇرىن تىندەرىنىڭ زاقىمدانۋى ارقىلى ميعا ەنىپ، السگەيمەر اۋرۋىنا ءتان پروسەستەردى قالاي ىسكە قوساتىنىن جاريالادى، - دەپ حابارلايدى aqshamnews.kz گازەتا.Ru-عا سىلتەمە جاساپ.
تىشقاندارعا جۇرگىزىلگەن ەكسپەريمەنتتەر بارىسىندا عالىمدار Chlamydia pneumoniae باكتەرياسىنىڭ پنيەۆمونيا تۋدىرۋى مۇمكىن ەكەنىن جانە ونىڭ ميعا ءيىس سەزۋ جۇيكەسى ارقىلى ەنەتىنىن انىقتادى. بۇل پروسەسس مۇرىن قۋىسىنىڭ تىندەرى زاقىمدانعاندا كۇشەيە تۇسەدى.
ينفەكسياعا جاۋاپ رەتىندە تىشقانداردىڭ ميىندا السگەيمەر اۋرۋىنا ءتان اميلويد-بەتا اقۋىزدارى جينالا باستاعان. زەرتتەۋ جانۋارلارعا جۇرگىزىلسە دە، ونىڭ ناتيجەلەرى ادامدار ءۇشىن ءقاۋىپتى بولۋى مۇمكىن دەگەن الاڭداۋشىلىق تۋدىرادى.
"Chlamydia pneumoniae باكتەرياسىنىڭ مۇرىن قۋىسى ارقىلى تىكەلەي ميعا ەنىپ، السگەيمەر اۋرۋىنىڭ بەلگىلەرىنە ۇقساس پاتولوگيالىق وزگەرىستەر تۋدىرۋى مۇمكىن ەكەنىن العاش رەت دالەلدەدىك"، – دەدى زەرتتەۋ اۆتورلارىنىڭ ءبىرى دوكتور دجەيمس سەنت-دجون.
عالىمدار ادامدارعا مۇرىندى شۇقىماۋدى جانە مۇرىن تۇكتەرىن جۇلىپ الماۋدى ۇسىنادى، ويتكەنى بۇل ادەتتەر مۇرىننىڭ قورعانىس تىندەرىن زاقىمداۋى مۇمكىن.
ولاردىڭ پىكىرىنشە، بۇل جاڭالىق باكتەريالار مەن ۆيرۋستاردىڭ نەيرودەگەنەراتيۆتى اۋرۋلاردىڭ دامۋىنداعى ءرولىن زەرتتەۋدىڭ ماڭىزدىلىعىن كورسەتەدى.