ادەتتە قىستا بولاتىن ۆيرۋس ءساۋىر ايىنان باستاپ تارالعان.
امەريكا قۇراما شتاتتارى، شۆەيساريا، جاپونيا جانە ۇلىبريتانيا دارىگەرلەرى بالالاردىڭ رەسپيراتورلىق سينسيتيالدى ۆيرۋستى جاپپاي جۇقتىرىپ جاتقانىن ايتتى، دەپ حابارلايدى Almaty-akshamy.kz
بۇل تۋرالى حابارلاعان BBC Newsء-تىڭ مالىمەتىنشە، شەكتەۋ شارالارى جەڭىلدەگەننەن كەيىن بالالار اراسىندا اۋرۋشاڭدىق وسە باستادى.
ساراپشىلار كوروناۆيرۋس پاندەمياسى RSV ۆيرۋسىنىڭ تارالۋىنا اسەر ەتكەن، كارانتين شارالارىنىڭ سالدارىنان بالالاردا ۆيرۋسقا قارسى يممۋنيتەت قالىپتاسپاعان دەپ سانايدى.
اقش اۋرۋلاردى باقىلاۋ جانە الدىن الۋ ورتالىعىنىڭ مالىمەتىنشە، بالالاردىڭ كوپشىلىگىندە ۆيرۋس سۋىق تيگەن كەزدەگىدەي جەڭىل ءوتىپ جاتىر. ءبىراق كەيبىرىنىڭ وكپەسىن قابىندىرىپ، برونحيوليتكە شالدىقتىرۋى مۇمكىن.
بۇعان دەيىن اقش اۋرۋلاردى باقىلاۋ جانە الدىن الۋ ورتالىعىنىڭ ماماندارى كوروناۆيرۋستىڭ «دەلتا» شتامى تارالا باستاعاننان كەيىن ەلدە COVID-19 جۇقتىرعان بالالاردىڭ سانى كۇرت وسكەنىن حابارلادى، ءبىراق جاڭا زەرتتەۋ جاڭا شتامم ەداۋىر ءقاۋىپتى جانە اۋرۋدىڭ اۋىر ءتۇرىن تۋدىرادى دەپ الاڭداۋ نەگىزسىز ەكەنىن كورسەتتى.