عىلىم جانە جوعارى ءبىلىم ۆيسە-مينيسترى گۇلزات كوبەنوۆانىڭ ايتۋىنشا، بيىل ۇلتتىق ءبىرىڭعاي تەستىلەۋگە 210 مىڭنان استام تالاپكەر قاتىستى، ونىڭ ىشىندە 160،5 مىڭ ادام نەمەسە 76،3% جوعارى ءبىلىم الۋعا قاجەتتى شەكتى بالل جينادى.
"مەملەكەتتىك ءبىلىم گرانتتارىنىڭ كونكۋرسىنا 113 مىڭعا جۋىق ءوتىنىم بەرىلدى، بۇل وتكەن جىلمەن سالىستىرعاندا 9 مىڭعا ارتىق. جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋعا 93 232 گرانت ءبولىندى، ونىڭ ىشىندە 77 مىڭنان استامى جوعارى بىلىمگە ارنالعان. كونكۋرس قورىتىندىسى بويىنشا گرانتتاردىڭ 99% يگەرىلدى. قازىرگى كەزدە بارلىق جوو-لارعا قابىلداۋ اياقتالدى"، – دەدى سپيكەر باسپا ءسوز كونفەرەسياسى بارىسىندا.
ونىڭ مالىمەتىنشە، بيىل شاكىرتاقىنى جىل سايىنعى ارتتىرۋ كوزدەلگەن.
"2020 جىلمەن سالىستىرعاندا ولاردىڭ مولشەرى ءىس جۇزىندە ەكى ەسە ءوستى. 2025 جىلدىڭ 1 قىركۇيەگىنەن باستاپ باكالاۆريات ستۋدەنتتەرى ءۇشىن ستيپەنديا 52 372 تەڭگەنى، پەداگوگيكالىق ماماندىقتار ستۋدەنتتەرى ءۇشىن – 84 000 تەڭگەنى، ماگيسترانتتار ءۇشىن – 117 098 تەڭگەنى، دوكتورانتتار ءۇشىن – 262 500 تەڭگەنى قۇرايدى"، – دەپ تۇيىندەدى عىلىم جانە جوعارى ءبىلىم ۆيسە-مينيسترى.