ۇلكەن الماتى اينالما اۆتوجولىندا (باكاد) ءجۇرۋ قۇنى ەكى ەسەگە وسەدى.
بۇل تۋرالى Aqshamnews.kz سايتى حابارلايدى.
اۆتوموبيل جولدارى كوميتەتىنىڭ مالىمەتىنشە، تولەمدى جولعا كىرەر الدىندا نەمەسە جەتى كۇن ىشىندە جاساۋ قاجەت. ونى بانكتىك قوسىمشالار ارقىلى تولەۋگە بولادى. جولدا شلاگباۋمدار بولمايدى، ءبىراق 24 باقىلاۋ اركاسى جانە 100-دەن استام بەينەباقىلاۋ كامەرالارى ورناتىلادى.
جولاقى قۇنى:
▪️ جەڭىل اۆتوكولىكتەر – 241،5 تەڭگە؛
▪️ جۇك كولىكتەرى – 414-2 484 تەڭگە (جۇك كوتەرىمدىلىگىنە بايلانىستى).
كاراساي، ىلە جانە تالعار اۋداندارىنىڭ تۇرعىندارى ءۇشىن ابونەمەنتتەر قاراستىرىلعان:
▪️ جەڭىل كولىكتەر – 1 725 تەڭگە/ايىنا نەمەسە 20 700 تەڭگە/جىلىنا؛
▪️ جۇك كولىكتەرى مەن اۆتوبۋستار – 8 625-351 900 تەڭگە ارالىعىندا (كولىكتىڭ تۇرىنە بايلانىستى).