بۇل تۋرالى كوميسسيا وتىرىسىندا ايتىلدى.
ورتالىق سايلاۋ كوميسسياسى «بايتاق» جانە Respublica پارتيالارىنا قازاقستاننىڭ بارلىق ايماعى بويىنشا ءماسليحات دەپۋتاتتارىن سايلاۋعا قاتىسۋعا رۇقسات بەردى، دەپ حابارلايدى Almaty-akshamy.kz
"بايتاق" جاسىلدار پارتياسىنا" 15 وڭىردەگى ءماسليحات سايلاۋىنا قاتىسۋعا رۇقسات بەرىلدى. قازىرگى ۋاقىتتا باسقا ءبىرقاتار وڭىردە پارتيالاردىڭ فيليالدارى قۇرىلدى. Respublica پارتياسى 19 وڭىردەگى ءماسليحات سايلاۋىنا جىبەرىلدى. بۇگىنگى تاڭدا اتىراۋ وبلىسىندا پارتيا فيليالى قۇرىلدى"، - دەپ جازدى ءوز بايانداماسىندا وسك مۇشەسى شاۆحات وتەمىسوۆ.
وسىلايشا ورتالىق سايلاۋ كوميسسياسى ءبىراۋىزدان قابىلدانعان شەشىممەن "بايتاق" جاسىلدار پارتياسىنا مىنا وڭىرلەردەگى ءماسليحات دەپۋتاتتارىنىڭ سايلاۋىنا قاتىسۋعا رۇقسات بەردى: اباي وبلىسى، جەتىسۋ وبلىسى، اقمولا وبلىسى، سولتۇستىك قازاقستان وبلىسى، ۇلىتاۋ وبلىسى.
Respublica پارتياسى اتىراۋ وبلىسى ءماسليحاتىنىڭ دەپۋتاتتىعىنا ءوز كانديداتتارىن ۇسىنا الادى.
بۇگىندە قازاقستاندا تىركەلگەن جەتى پارتيانىڭ بارلىعى 19 ناۋرىزدا وتەتىن پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنا قاتىسۋعا رۇقسات الدى، دەپ حابارلادى ورتالىق سايلاۋ كوميسسياسىنداعىلار.
بۇل Amanat پارتياسى، "اق جول" قازاقستاننىڭ دەموكراتيالىق پارتياسى، قازاقستان حالىق پارتياسى، "اۋىل" حالىق-دەموكراتيالىق پاتريوتتىق پارتياسى، وپپوزيسيالىق جالپىۇلتتىق سوسيال-دەموكراتيالىق پارتياسى، "بايتاق" قازاقستاننىڭ جاسىلدار پارتياسى جانە Respublica پارتياسى.
ءماجىلىس سايلاۋى ارالاس سايلاۋ جۇيەسى بويىنشا وتەدى – دەپۋتاتتاردىڭ 70%ء-ى پارتيالىق ءتىزىم بويىنشا، 30%ء-ى ءبىر مانداتتى وكرۋگتەر بويىنشا سايلانادى. وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ ءماسليحاتتارىندا دەپۋتاتتاردىڭ 50%ء-ى ماجوريتارلىق جۇيە بويىنشا، 50%ء-ى پارتيالىق ءتىزىم بويىنشا سايلانادى. اۋداندار مەن قالالاردىڭ ءماسليحاتتارىنا سايلاۋ تولىعىمەن ماجوريتارلىق جۇيە بويىنشا وتەدى.
كانديداتتاردى ۇسىنۋ مەرزىمى 20 قاڭتاردان 8 اقپانعا دەيىن، تىركەۋ 20 قاڭتاردان 18 اقپانعا دەيىن جالعاسادى.
سايلاۋ الدىنداعى ۇگىت-ناسيحات جۇمىستارى 18 اقپان كۇنى ساعات 18:00-دەن 18 ناۋرىز ساعات 00:00-گە دەيىن جالعاسادى.
18 ناۋرىز – تىنىشتىق كۇنى.
19 ناۋرىزدا داۋىس بەرۋ جەرگىلىكتى ۋاقىت بويىنشا ساعات 07.00-دەن 20.00-گە دەيىن وتەدى.