ول عالامتور جەلىسىندە اۆتوكولىك ساتاتىن سايتتارعا (kolesa.kz) جالعان جارنامالار جاريالاعان.
استانا قالاسىندا جەدەل ىزدەستىرۋ ءىس-شاراسىن جۇرگىزۋ بارىسىندا 1993 جىلى تۋعان قىزىلوردا قالاسىنىڭ تۇرعىنى الاياقتىق جاساعانى ءۇشىن ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جالعان جارناما بەرۋشى كولىكتى ساتىپ الۋعا قىزىعۋشىلىق تانىتقان جەلى قولدانۋشىلارىنان جارنامانى الىپ تاستاۋ ءۇشىن الدىن الا قاراجات جىبەرۋىن سۇراعان. تولەمدى الەۋمەتتىك جەلىدە تانىسقان قىز-كەلىنشەكتەردىڭ بانك-شوتتارىنا اۋدارتىپ، كەيىن قوعامدىق ورىنداردا ءوزىنىڭ كارتالارىنىڭ بۇعاتتاۋلى ەكەنىن ايتىپ، كەزدەيسوق ادامدارعا اۋدارتىپ، يەمدەنىپ كەلگەن. قازىرگى تاڭدا كۇدىكتىنىڭ وسىنداي 10 قىلمىسقا قاتىسى بارى انىقتالدى.
الاياقتىڭ قۇربانى بولعاندار – اتىراۋ، اقتوبە، قوستاناي، الماتى، استانا، شىمكەنت قالاسىنىڭ تۇرعىندارى. قازىرگى تاڭدا كۇدىكتىگە قاتىستى ق ر قك-نىڭ 190-بابى 3-بولىگىمەن سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى استانا قالاسىندا قاماۋعا الىندى. وزگە اقپارات ق ر قپك-نىڭ 201-بابىنا سايكەس جاريالاۋعا جاتپايدى.