الماتى اكىمدىگى جاڭا ساياباقتار سالۋ مەن جۇمىس ىستەپ تۇرعاندارىن رەكونسترۋكسيالاۋ بويىنشا قىزۋ جۇمىس جۇرگىزىپ جاتىر. بۇل تۋرالى جۇمىس ساپارى بارىسىندا الماتى قالاسى اكىمىنىڭ ورىنباسارى الىشەر ءابدىقادىروۆ مالىمدەدى.
جۋرناليستەرگە بايسەيىتوۆا كوشەسىنىڭ بويىنداعى اۋماقتى اباتتاندىرۋ جۇمىسىنىڭ اياقتالۋى كورسەتىلدى. جوبانى «الماتىباسجوسپار» عىلىمي-زەرتتەۋ ينستيتۋتى ج ش س 2021 جىلى ازىرلەگەن، بۇل جەر «بەلسەندى» جانە «تىنىش» ايماق بولىپ ەكىگە بولىنەدى. بەلسەندى ايماقتا فۋتبول جانە ۆولەيبول الاڭى، ۇستەل تەننيسى ويناۋعا ارنالعان الاڭى بار بالالار جانە سپورت الاڭدارى سالىندى. سونىمەن قاتار، اۋماقتا 1264 شارشى مەترلىك ەكسترەمالدى سپورت تۇرىمەن اينالىسۋعا ارنالعان قالاداعى ەڭ ۇلكەن سكەيت الاڭ قۇرىلدى، ونىڭ ەلەمەنتى ءمونوليتتى تەمىربەتوننان جاسالعان. سكەيت الاڭنىڭ ەسكيزدىك جوباسىن «الماتى ق. سكەيتبوردينگ فەدەراسياسى» قب جانە حالىقارالىق جارىستارعا قاتىسۋشى كاسىبي سپورتشىلار ماقۇلداعان. ونىڭ قۇرىلىسى بارىسىندا ساراپشىلار سكەيت الاڭىن پايدالانۋ تيىمدىلىگىن ارتتىرۋ جانە جاراقات الۋ ءقاۋپىن ازايتۋ ءۇشىن ۇسىنىستار ايتقان. مەحانيكالىق زاقىمدانعان ەلەمەنتتەردىڭ جيەگىنىڭ بەرىكتىگى مەن پايدالانۋشىلاردىڭ قاۋىپسىزدىگىن قامتاماسىز ەتۋ ءۇشىن بولات پروفيلمەن نىعايتىلدى. سكەيت الاڭ ساموكات، روليك، سكەيت، ۆەلوسيپەد سىندى ءارتۇرلى سپورتتىق جابدىقتارعا ارنالعان
اكىمنىڭ ورىنباسارى اتاپ وتكەندەي، بايسەيىتوۆا كوشەسىندەگى اۋماقتى اباتتاندىرۋمەن قاتار، بىلتىردان باستاپ قبتۋ مەن وقۋشىلار سارايىنىڭ جانىنداعى سكۆەرلەر رەكونسترۋكسيادان ءوتتى، بۇقتىرما–مايلين كوشەلەرىنىڭ قيىلىسىندا جانە ەسەنتاي وزەنىنىڭ بويىندا ەكى جاڭا ساياباق – «اسپان» قۇرىلدى.
«ەكولوگيانى جاقسارتۋ ماقساتىندا قالا اۋماعىنداعى ساياباقتار مەن جاسىل جەلەكتەردىڭ سانىن كوبەيتىپ جاتىرمىز. قازىرگى ۋاقىتتا 2024 جىلى قۇرىلىسى اياقتالاتىن 6 جاڭا جانە قولدانىستاعى 4 ساياباقتىڭ قۇرىلىسى قولعا الىندى. بۇعان قوسا، 2025 جىلى پايدالانۋعا بەرىلەتىن 12 جاڭا جانە قولداعى ساياباقتاردىڭ جوبالاۋ-سمەتالىق قۇجاتتاماسى دايىندالىپ جاتىر»، - دەدى الىشەر ءابدىقادىروۆ.
تۋر بارىسىندا ب ا ق وكىلدەرى جەتىسۋ، تۇركسىب، الاتاۋ جانە اۋەزوۆ اۋداندارىنداعى جاڭا ساياباق ايماقتارىنىڭ قۇرىلىس جۇمىسىمەن دە تانىستى. اباتتاندىرۋ جوباسىن ازىرلەۋ كەزىندە اۆتوماتتى جۇيەنىڭ كومەگىمەن جانە قاجەت بولعان جاعدايدا ۇڭعىمالاردى بۇرعىلاۋ ارقىلى جاسىل جەلەكتەردى سۋارۋدى ەسكەرىلەدى. قازىرگى تاڭدا الماتى قالاسى ەكولوگيا جانە قورشاعان ورتا باسقارماسى مەردىگەر ۇيىممەن بىرلەسىپ 29 ۇڭعىمانى بۇرعىلادى، 500 مىڭنان استام اعاشتى تامشىلاتىپ سۋاراتىن 5 سۋ جيناعىش سالىندى. ايتا كەتەيىك، جوبانى ازىرلەۋ كەزىندە تۇرعىنداردىڭ قاتىسۋىمەن مىندەتتى تۇردە قوعامدىق تىڭداۋلار وتكىزىلەدى.
الماتىدا جالپى اۋدانى 977 گا بولاتىن 542 ساياباق ايماعى بار، وندا شامامەن 4 ملن.جاسىل جەلەك وسەدى. 2025 جىلى ساياباق ايماقتارىنىڭ اۋماعىن 1 157 گەكتارعا دەيىن، 2030 جىلعا قاراي 1 457 گەكتارعا دەيىن كوبەيتۋ جوسپارعا ەنگەن.