الماتى بالاباقشالارىندا ورىن تاپشى. بۇگىنگى كۇنى مەكتەپكە دەيىنگى ءبىلىم مەكەمەسىنىڭ كەزەگىندە 43 مىڭنان استام بالا تۇر. بۇل تۋرالى بريفينگ بارىسىندا قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
سپيكەردىڭ سوزىنشە، مەگاپوليستە 866 مەكتەپكە دەيىنگى ۇيىم بار. ونىڭ 192ء-سى مەملەكەتتىك بولسا، قالعان 674 ء-ى جەكەمەنشىك بالاباقشا.
«قالادا مەكتەپكە دەيىنگى ءبىلىم بەرۋ سالاسىنداعى نەگىزگى پروبلەما- بالاباقاشالارداعى ورىن تاپشىلىعى. ءقازىر 43 مىڭنان استام بالا كەزەكتە تۇر. 2025 جىلعا قاراي 3 جاستان 6 جاسقا دەيىنگى بۇلدىرشىندەردى مەكتەپكە دەيىنگى تاربيەمەن 100 پايىز قامتۋ جوسپاردا»، - دەيدى قايرات جۇمانوۆ.
سونىمەن قاتار، ول قالادا 560 ورىنعا ارنالعان ەكى مەملەكەتتىك بالاباقشا سالىنىپ جاتقانىن اتاپ ءوتتى. بۇعان قوسا بيىل مەگاپوليستە 69 جەكەمەنشىك بالاباقشا اشىلادى.